АҚШ та бензин бағасы рекордтық деңгейге жетті

АҚШ-та жанармай бағасы күрт өсіп, жаңа рекордтық деңгейге жетті.
Соңғы деректер бойынша, бензиннің орташа құны бір галлон үшін 4,46 долларды (шамамен 3,79 литр) құрап отыр.

Бағаның өсуі Иран төңірегіндегі геосаяси шиеленіспен байланысты. Әсіресе Дональд Трамп тарапынан Иран порттарын блокадада ұстау туралы мәлімдеме жасауы нарықтағы қысымды күшейткен. Осы факторлар аясында мұнай бағасы жыл басынан бері шамамен 80 пайызға қымбаттаған.

Алғашқы есептерге сәйкес, Ирандағы әскери операция басталғалы бері бензин бағасы 49 пайыздан астам өскен. Сарапшылар бұл өсімді қысқа мерзімді факторлармен байланыстырып отыр.

Скотт Бессент жағдайға қатысты пікір білдіріп, бағаның күрт өсуі америкалықтардың тұрмысына әсер ететінін атап өтті.

Ең жоғары баға Калифорния штатында тіркелді – бір галлон бензин 6,11 долларға дейін жеткен. Вашингтон мен Гавайиде жанармай құны 5,6 доллар шамасында. Сонымен қатар Орегон, Невада және Аляска штаттарында да баға 5 доллардан асып отыр.

Сарапшылардың айтуынша, энергия тасымалдаушылар нарығындағы тұрақсыздық сақталса, жанармай бағасы жақын уақытта жоғары деңгейде қала беруі мүмкін.