Еуропада әуе отыны бағасы рекордтық деңгейге жетті

Бұл туралы еуропалық Politico басылымы хабарлады. Ұлыбритания ең осал ел болды. Лондондық Хитроу және басқа да британдық әуежайлар отын бағасының күрт өсуіне байланысты рейстерді тоқтата бастады. Келесі кезекте Франция әуежайлары болуы мүмкін.

Еуропалық БАҚ хабарлауынша, ЕО-ның қалған елдерінде авиациялық отын қоры әзірге бірнеше айға жетіп қалуы мүмкін. 

Бағаның рекордтық өсуі Иранмен қақтығыс аясында Ормуз бұғазы арқылы жеткізілімнің үзілуімен тікелей байланысты. Нарық агенттіктерінің мәліметінше, кейінгі бірнеше күнде ғана баға тоннасына шамамен 300 долларға өсіп, бұрынғы рекордтан асып түсті. 

Сарапшылар бұғазды одан әрі қоршау Еуропаның авиация саласына одан әрі қысым жасайтынын, алдағы апталарда билеттер бағасының өсуіне және рейстердің кеңінен тоқтатылуына әкелетінін ескертті. 

Осыған дейін еуропалықтар бензин бағасының өсуіне байланысты жаппай электрлі көліктерге ауысып жатқанын жаздық. 

Сондай-ақ ақпан айында Семей әуежайы авиаотын бағасын негізсіз көтергені үшін жауапқа тартылғанын жаздық.