Ақтау порты арқылы астықты экспортқа тасымалдау уақытша тоқтатылды

АСТАНА, 10 қазан – Sputnik. "Қазақстан темір жолы" Ақтау портына жөнелтілетін экспорттық астық жүктерін қабылдауды уақытша шектеді.

Бұған кемелердің біркелкі емес кіруіне байланысты астық вагондарының жиналып қалуы себеп. Қыркүйек айында портқа жалпы жүк көтергіштігі 50 мың тоннаға жуық 14 кеме келген. Бұл терминалдар мен кіреберістерде 700 жуық жүк тиелген вагондардың жиналып қалуына әкеліп соқты.

"Шектеулер жылжымалы құрамның тоқтап қалуын және инфрақұрылымның шамадан тыс жүктелуін болдырмау үшін енгізілді. Кеме қатынасы кестесі тұрақтандырылғаннан кейін астық жүктерін қабылдау толық көлемде қайта басталады", - дейді ҚТЖ.

Сонымен қатар, шығыс бағыттағы (ҚХР) іргелес аумақта астық жүктерін қабылдаудың төмендеуі байқалады. Бұған ҚХР фитосанитариялық және карантиндік органдарының мерекелік кезеңде астық жүктерін тексеру мерзімінің 5-тен 10 тәулікке дейін ұлғаюы себеп.

Ішкі нарыққа және әлеуметтік маңызы бар бағыттар бойынша жеткізілімдер шектеусіз жүзеге асырылады.