Ақтаудағы ұрлау оқиғасы отбасылық жанжал боп шықты

Ақтау пабликтерінде 8-шағын ауданда түсірілген видео тарады. Куәгерлердің айтуынша, белгісіз біреулер қызды күштеп көлікке отырғызған.

Жазбада айқай естілгендіктен, қолданушылар бұл жағдайды қыз ұрлау деп ойлаған.

Маңғыстау облыстық полиция департаменті ролик шыққаннан кейін тексеріс жүргізілгенін хабарлады. Белгілі болғандай, қыз кәмелет жасына толған, Атырау тұрғыны. Ол отбасының келісімінсіз  Ақтауға келген. Видеода анасы мен туыстарының оны үйге алып кеткен сәті түсірілген.

Полиция бұл жағдайдың «алып қашу» немесе басқа да ұрлық әрекеті емес екенін атап өтті.

Анастасия ШЕРСТЯНКИНА

Әлеуметтік желіден алынған видео

Бүгін, 11:49