Аршалы ауданында баспана кезегіндегі тұрғындарға 100 пәтерлі үй қолданысқа беріледі

Аршалы ауданында құрылыс жұмыстары қарқынды жүріп жатыр.

Солардың бірі Бірсуат ауылын аудан орталығымен байланыстыратын тас жол. Тұрғындар 15 шақырымның жөнделуін  күткен. Сонымен қатар баспана кезегінде тұрған азаматтардың мәселесін шешу де қолға алынып жатыр. Жыл соңына дейін алғашқы пәтерлер өз иесін таппақ.

Бірсуат ауылының кіреберісіндегі жол құрылысы тамыздың аяғында басталған. Қазір асфальт тұрғындардың игілігіне берілді.

Ақмарал Тұтқабекова, Бірсуат ауылдық округының әкімі:

- Бірсуат әкім. Жоба екі жылдық болғанан кейін біз мердігерлерге тұрғындармен бірге жолығып, өтінішімізді айтып, осы жылы бітіріп беріңіз деп, олар үш айдың ішінде бітіріп беріп отыр. Сол үшін қуаныштымыз. 

Қанат Жәкенов, Бірсуат ауылының тұрғыны:

- Мына тұрған алфальтқа дейін бір сағат 45 минут жүретінбіз. Қазіргі күнде бір 15-20 минутта бір ауданда боламыз, бір сағатта қалада боламыз. Мың да бір рақмет.

Мердігер компания құрылысты қысқа уақытта аяқтауға заманауи технология сеп болғанын айтады. 

Дархан Өлмесеков, мердігер компания өкілі:

- Бұл жерде жаңа материалдарды қосып, суық рисайклинг әдісін қолдандық. Қалыңдығы 17 саниметр. Оның үстінен екі қабат асфальт төселді. Бес жерге су құбырын салдық. Құрылыс сапасына үш жыл кепілдік беріледі. 

Сонымен қатар Аршалы ауданында алғаш рет реновация бағдарламасы бойынша 100 пәтерлі тұрғын үй салынды. 

Игілікнан Құсайын, учаске бастығы:

- 100 пәтердің ішінде тоқсаны екі бөлмелі, оны үш бөлмелі. Ішінде раковина, ванна, есіктері, бөлмелердің арасындағы есіктері бәрі қойылды. Құрылыс мамыр айының басында басталған. Қараша аяғында аяқтап жатырмыз.   

Абай Бекбаев, Аршалы ауданы әкімінің орынбасары:

- Жылдың соңына дейін бұл үй толығымен қолданысқа беріледі. Келесі жылдары бағдарлама шеңберінде 500-ге тарта кезекте тұрған біздің тұрғындар осындай сапалы, кең әрі жайлы үйлермен қамтамасыз ететін болады. 

Аудан әкімдігі реновация бағдарламасын келесі жылдары да жалғастыруды жоспарлап отыр. 

Серік Селеубайұлы, Қанат Махмұдов