Astana Hub : заманауи жобалар

«Astana Hub» – кейінгі жылдары еліміздегі талай идеяға «қанат» бітіріп, стартап деген ұғымды жұртшылыққа жақындатқан орта. Жас кәсіпкер, инвестор, тәлімгер және ІТ мамандарының басын қосып, технологияны жай әңгіме емес, нақты өнімге айналдыратын осы алаң енді 2026 жылы да қарқынын бәсеңдетпек емес.

Биыл «Astana Hub» техно­логиялық кәсіпкерлікті дамытуға бағытталған жүйелі жұмысын жал­ғастырмақ. Басты басымдық стар­тап-экожүйені ауқымдап, жаһандық нарықтарға бағытталған, халықара­лық деңгейде бәсекеге қабілетті компаниялардың қалыптасуына қо­лайлы жағдай жасауға беріледі. «Astana Hub»-қа қатысушы компа­ния­лардың табысы, әсіресе экспорттан түсетін кірісі, алдағы уақытта да тұрақты өседі деген болжам бар. Сонымен қатар шетел нарығында жұмыс істейтін, жасанды интеллектіге негізделген стартаптардың санын көбейту жоспарланып отыр.

«Astana Hub Silkway Accelerator», «AI’preneurs», «Startup Garage», «AlchemistX», «Hero Training», «Silicon Valley Residency Program» және басқа да бағдарламаларды іске асыруды әрі қарай дамытады. Бұл жобалар стар­таптарды идея кезінен бастап жетілдіріп, өндіріске дайындайды.

Экожүйеде болашағы зор команда­ларға инвестиция құятын «Astana Hub Ventures» қоры маңызды рөл атқарады. Қазіргі таңда қор «Grand Mobile», «ZYPL AI», «Uniblock», «Surfaice», «Axellero», «Rette» (Defect AI) және «Clarity» стартаптарына инвестиция құйды. Тағы екі мәміле қол қою сатысында. 2026 жылы «GP/LP» форматында екінші қорды іске қосу жос­парланып отыр. Қазіргі уақытта жеке инвесторлардың қаражатын ­тарту үшін лицензия алу үдерісі жүріп жатыр. Қордың жоспарлы көлемі кемінде 20 млн доллар құрамақ. Бұл қолдау стартаптардың өсуіне және олар­дың әлемдік нарықтарда ауқым­дануына бағытталған.

IT-экожүйені дамыту – Үкімет пен Жасанды интеллект және цифрлық даму министрлігінің бірлескен жұмы­сының бір бөлігі. Мемлекет басшысы тарапынан IT саласына көрсетіліп отырған басым қолдау, «Alem Ventures Fund» қорлар қорының іске қосылуы, Кремний алқабында, Шан­хай­да және Дубайда халықаралық инновациялық хабтардың дамуы, сондай-ақ суперкомпьютерлік ин­фра­құрылымның құрылуы вен­чур­лық нарықтың өсуіне және инвес­тициялардың орташа көлемінің ұлғаюына берік негіз қалайды. Мұның бәрі стартаптарға ірі инвестиция тар­туға жол ашып, болашақта баға­лануы миллиард долларға жететін, яғни unicorn деңгейіне көтеріле алатын компаниялардың көбеюіне мүмкіндік береді.

«Astana Hub» стратегиясындағы аса маңызды бағыт – адам капиталын дамыту және технологиялық таланттар қауымдастығын қалыптастыру. «Tomorrow School», TUMO және өзге де білім беру бастамалары арқылы «Astana Hub» жаңа буын көшбас­шыларын даярлауға бағытталған жүйелі жұмысты жалғастыра бермек.

Бұл бағытта «Аlem.ai» халық­ара­лық жасанды интеллект орталығы ерекше рөл атқарып, еліміздің ЖИ саласындағы әлеуетін нақты көрсетіп отыр. Орталық білім беру, акселерация және зерттеу бағдарламалары арқылы мектеп оқушыларын, студенттерді, стартаптарды, «BigTech» компания­ларын және мемлекеттік секторды бір алаңға жинайды. Негізгі мақсаты елімізді жасанды интеллектіге сүйенген мемлекетке айналдыру. «Аlem.ai»-ды дамыту аясында жыл сайын шамамен 10 000 талантты тарту, жасанды интеллект саласында кемінде 1000 маман даярлау, 100-ге жуық ЖИ-стартапты іске қосу және ғылыми зерттеулер жүргізу жоспарланып отыр.

Айта кетерлігі, бұл қазір жария­ланған алдын ала жоспарлар ғана. 2026 жылы «Astana Hub» стартаптарды қолдауға, инвестиция тар­ту­ға және ІТ саласындағы таланттар­ды даяр­лауға бағытталған өзге де ма­ңыз­ды бағдарламаларын жалғас­тыра бермек.

Соңғы жаңалықтар

Президент Қасым-Жомарт Тоқаев Қазақстан халқын Жаңа жыл мерекесімен құттықтады

Президент • Бүгін, 00:03

Астанадағы көктайғақ салдарынан 300 адам зардап шеккен

Ауа райы • Кеше

Аустралия мен Жаңа Зеландия 2026 жылды алғаш болып қарсы алды

Әлем • Кеше

Қазақстанда сәбилер өлімі тарихи ең төменгі деңгейге жетті

Денсаулық • Кеше

ІKOMEK109 арқылы өтініш қабылдау тоқтатылады

Қоғам • Кеше

1 қаңтардан бастап елшіліктер шетелдіктерге ЖСН беруді тоқтатады

Қоғам • Кеше

ФИФА футбол ережесіне өзгеріс енгізуі мүмкін

Спорт • Кеше

Теңгедегі депозит мөлшерлемелері 20%-ға дейін өсті

Қаржы • Кеше

Қазақстанда қаңтар айында ауа райы қандай болады?

Ауа райы • Кеше

Медициналық тексеруден өтпек болған ер адам 10 күнге қамалды

Қоғам • Кеше

Елорда әкімдігі толассыз жауған қарға байланысты мәлімдеме жасады

Ауа райы • Кеше

Төрт облыстағы республикалық жолда көлік қозғалысы шектелді

Ауа райы • Кеше

Зейнетақыны алу тәртібі өзгеруі мүмкін

Экономика • Кеше

Байланыс операторлары мен букмекерлерге айыппұл күшейді

Заң мен Тәртіп • Кеше

Астанада автобус аялдамасын бүлдірген вандал ұсталды

Оқиға • Кеше

Барлық жаңалықтар