Астанада болған өрттен бір бала көз жұмды

АСТАНА, 7 желтоқсан – Sputnik. Астанада кеше болған өрттен бір бала көз жұмды.

Өрт бес қабатты тұрғын үйдің қосалқы бөлмесінде болды. Түтін бірінші қабаттан бесінші қабатқа дейін болды. Құтқарушылар 40 адамды эвакуациялады, олардың жетеуі - балалар.

Төтенше жағдайлар министрлігінің мәліметі бойынша, алты адам, оның ішінде төрт бала жедел жәрдем көлігіне табысталған. Астана денсаулық сақтау департаментінің мәліметі бойынша, кеше бір ересек адам және бес бала ауруханаға жеткізілді.

"Алдын ала диагноз: көміртегі тотығының ауыр уыттылығы. Кеше ауруханаға жатқызылған кезде олардың жағдайы ауыр болды. Өте ауыр жағдайда түскен бір бала реанимациялық шараларға қарамастан қайтыс болды", - деп жазылған хабарламада.

Денсаулық сақтау департаменті зардап шеккендердің қазіргі жағдайы туралы ақпаратты нақтылап жатыр.