Астанада Лесная полянаға дейінгі қозғалыс ішінара шектеледі

Астанада Қарқаралы тасжолының Айналма жолдан "Лесная поляна" шағынауданына дейінгі бөлігінде көлік қозғалысына уақытша шектеу енгізіледі. Бұл туралы қала әкімдігінің Мониторинг және жедел әрекет ету орталығы мәлімдеді, - деп хабарлайды Tengri Auto.

Орталықтың хабарлауынша, жол жөндеу жұмыстарына байланысты аталған учаскеде 1–5 тамыз аралығында қозғалыс ішінара шектеледі.

"Көліктер екі бағытта да жолдың бір бөлігімен жүреді", - делінген хабарламада.

Жүргізушілер мен жаяу жүргіншілерден жол бағытын алдын ала жоспарлау сұралды. Қозғалысқа қатысушыларға қолайлы болу үшін уақытша жол белгілері мен бағыттаушы көрсеткіштер орнатылады.

Бұған дейін "Болашақ ойындары – 2026" халықаралық турниріне байланысты Астана полициясының күшейтілген жұмыс тәртібіне көшетіні хабарланған еді. Жарыс өтетін нысандардың маңында көлік ағынын реттеу, кептелістің алдын алу, арнайы көліктердің кедергісіз өтуін және жаяу жүргіншілердің қауіпсіздігін қамтамасыз ету шаралары қолға алынады. Кейбір көшелерде қозғалысқа уақытша шектеу қойылуы мүмкін.

Google News арқылы жаңалықтарымызды қадағалаңыз