Астанада LRT желісіне бағдаршамдар орнатыла бастады олар не үшін қажет?

Астанадағы LRT желісінде бағдаршамдар орнатылып жатыр. Жоба операторы City Transportation Systems (CTS) олардың не үшін қажет екенін түсіндірді, - деп хабарлайды Tengrinews.kz.

Астанадағы LRT желісінде бағдаршамдар орнатылып жатыр. Жоба операторы City Transportation Systems (CTS) олардың не үшін қажет екенін түсіндірді, - деп хабарлайды Tengrinews.kz.

Астана тұрғындары LRT желісінде бағдаршамдар пайда бола бастағанын байқады.

CTS компаниясының баспасөз қызметі мәліметінше, бағдаршамдар резервтік қауіпсіздік функциясын атқарады.

Олар жүйеде штаттан тыс режимдер болғанда немесе техникалық жұмыстар жүргізілген кезде қолданылады.

Фото © Tengrinews.kz / Маржан Қуандықова

"Пилотсыз LRT желісіндегі бағдаршамдар резервтік қауіпсіздік функциясын атқарады. Пойыздар GOA4 деңгейіндегі автоматты жүйемен басқарылғанына қарамастан, олар жүйенің штаттан тыс жұмыс режимдерінде немесе техникалық жұмыстар кезінде пайдаланылады", - деп хабарлады CTS.

Осылайша, бағдаршамдар қозғалысты басқарудың негізгі элементі емес, қауіпсіздікті қамтамасыз етуге арналған қосымша шара саналады екен.

Фото © Tengrinews.kz / Маржан Қуандықова

Еске салайық, Астанада жеңіл рельсті көлік (LRT) желісін тест режимінде пайдалану басталғалы бері алты ай өтті. Елорда әкімдігі мәліметінше, жобаны іске асыру кестеге сай жүріп жатыр және жолаушылар тасымалын іске қосу биыл көктемге жоспарланған.