Астанада Қазақстан бокс федерациясы кубогінің финалдық кезеңі өтеді

13–14 желтоқсан күндері Астана қаласында Қазақстан бокс федерациясы кубогінің финалдық кезеңі өтеді, – деп хабарлайды Aikyn.kz. 

Жүлде қоры 150 000 АҚШ доллары болатын жоба аймақтарда боксты дамытуға бағытталған.

Федерацияның баспасөз қызметі мәліметінше, топтық кезеңнің қорытындысы бойынша шешуші сынға  Астана, Шымкент қалаларының, сондай-ақ Қарағанды және Маңғыстау облыстарының командалары жолдама алды.

13 желтоқсанда ерлер мен әйелдер арасында жартылай финалдық жекпе-жектер өтеді (барлығы 15 салмақ дәрежесі). 14 желтоқсан күні үшінші және бірінші орындар үшін кездесулер жоспарланған.

Турнир Qazaqstan жеңіл атлетика спорт кешенінде өтеді.

Жарыстың басталу уақыты:

13 желтоқсанда спғат 11:30-да, 14 желтоқсанда сағат 12:00-де.

Сараптама, зерттеу мақала, күнделікті өзекті ақпаратты «Айқынның»  TELEGRAM   арнасынан табасыз.