Астанада Tesla тізгіндеген оқушысы полицейлерден қашпақ болды

Астанада полицейлер 14 жастағы жасөспірім тізгіндеген Tesla электркөлігін тоқтатты. Мектеп оқушысы жол қозғалысы ережелерін өрескел бұзған, деп хабарлайды Tengri Auto Полиция департаментінің баспасөз қызметіне сілтеме жасап.

Астанада полицейлер 14 жастағы жасөспірім тізгіндеген Tesla электркөлігін тоқтатты. Мектеп оқушысы жол қозғалысы ережелерін өрескел бұзған, деп хабарлайды Tengri Auto Полиция департаментінің баспасөз қызметіне сілтеме жасап.

Құқықбұзушылық жедел басқару орталығының бейнебақылау камераларына түсіп қалған. Жүргізуші полицейлердің тоқтау туралы заңды талабына бағынбай, қашуға тырысқан. Көлік ішінде онымен бірге кәмелетке толмаған досы болған.

Бұл оның алғашқы құқықбұзушылығы емес екені анықталды.

"Наурызда дәл осы көлікпен көптеген ереже бұзып, соның ішінде қауіпті маневр жасағаны тіркелген. Көлік құралы коммуналдық тұраққа қойылды", - деп хабарлады департаменттің баспасөз қызметі.

Полицейлер куәліксіз көлік айдау және басқару құқығы жоқ адамға көлік беру бойынша әкімшілік хаттамалар толтырды. Бұдан бөлек, мектеп оқушысының ата-анасы баланы тәрбиелеу жөніндегі міндеттерін орындамағаны үшін жауапқа тартылды.

Полиция өкілдері көлікті жүргізуші куәлігінсіз басқару заңды өрескел бұзу екенін және өзге адамдардың өмірі мен денсаулығына қауіп төндіретінін ескертті.

Бұған дейін Алматыдағы қайғылы жол апаттарынан кейін депутаттар Қазақстан жолдарындағы мәселелер туралы пікір білдірген болатын. Мәжіліс депутаты Бақытжан Базарбек ережелерді жүйелі түрде бұзып, жауапкершілікке тартылмаймын "шенеуніктер мен бизнесмендердің балалары" туралы айтты. Сондай-ақ ол бүкіл ел бойынша полицияға ауқымды тексеріс жүргізуді ұсынды.