Астаналыққа Instagram арқылы үйді өртеуге тапсырыс берілді

Астанада тапсырыспен үй өртеген ер адам сотталды, - деп хабарлайды Tengrinews.kz елордалық прокуратураға сілтеме жасап.

Астанада тапсырыспен үй өртеген ер адам сотталды, - деп хабарлайды Tengrinews.kz елордалық прокуратураға сілтеме жасап.

Тергеу мәліметтері бойынша, әлеуметтік желілерден қосымша жұмыс іздеп жүрген ер адам 2 мың доллар үшін құқыққа қайшы әрекет жасау туралы ұсынысты қабылдаған. Тапсырманы Instagram арқылы алған.

"Үйде адамдар болғанына қарамастан, қаскөй өз іс-әрекетінің зардабын түсіне тұра, алдын ала дайындалған өртегіш құрылғыларды тұрғын үйге қарай лақтырып, азаматтардың өмірі мен денсаулығына нақты қауіп төндірді", - деп хабарлады прокуратура.

Алайда ол өзіне қатысты емес жағдайларға байланысты қылмыстық ниетін соңына дейін жеткізе алмаған.

Сот сотталушыны бөтеннің мүлкін жоюға оқталу бойынша кінәлі деп таныды. Оның бұрынғы өтелмеген соттылығын ескере отырып, оған түпкілікті 3 жыл 6 ай мерзімге бас бостандығынан айыру жазасы тағайындалды.

Астана прокуратурасы әлеуметтік желілер арқылы ұсынылатын заңсыз схемаларға қатысу міндетті түрде қылмыстық жауаптылыққа әкеп соғатынын баса айтты. Онда күмәнді "жұмыстарға" келісу бас бостандығынан айыру және айналадағылардың қауіпсіздігіне қатер төндіру сияқты ауыр зардаптарға соқтыруы мүмкін екені атап өтілді.

ОБСУЖДАЕТСЯ СЕЙЧАС

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

Google News арқылы жаңалықтарымызды қадағалаңыз