Атырау облысында бизнеске арналған электр энергиясы тарифтері төмендетілді

Атырау облысының прокуратурасы өңірдегі ірі инвесторлардың құқығын қорғап, электр энергиясы тарифін төмендетуге қол жеткізді. 

Атап айтқанда, құны 10 млрд теңге болатын құс фабрикасын салып жатқан «Atyrau Chicken» ЖШС-не «Атырау Жарық» АҚ тарапынан заңды жеңілдіктер берілмегені анықталды.

Прокурорлық қадағалаудан кейін тариф қайта қаралып, инвестор ай сайын 600 мың теңгеден астам қаражатты үнемдейтін болды. Сонымен қатар, құны 800 млн теңгелік жобаны іске асырушы тағы бір кәсіпкерге осындай қолдау көрсетілді.

Жалпы алғанда, қабылданған шаралардың нәтижесінде әлеуметтік маңызы бар тауар өндіретін 15 кәсіпкердің құқығы қалпына келтірілді. Бұл қадам ішкі нарықтағы баға тұрақтылығын сақтауға септігін тигізбек.

Бүгін, 11:25