Атырауда бюджеттік инвестициялық ұсыныстарды қарау орталығы ашылды

Атырау облысында бюджеттік инвестициялық жобалардың тиімділігін арттыру мақсатында жаңа мекеме — «Бюджеттік инвестициялық ұсыныстарды қарау жөніндегі орталық» құрылды. Ол облыстық Экономика және қаржы басқармасы құрамында жұмыс істейді.

Орталықтың негізгі міндеті — құрылыс, сәулет, жол, тұрғын үй-коммуналдық шаруашылық және табиғатты пайдалану салаларындағы инвестициялық ұсыныстарды сараптап, бағалау. Мұнда жобалық-сметалық құжаттарды талдау, техникалық және экономикалық сараптама, құқықтық сүйемелдеу мен әкімшілік қолдау бағыттары бойынша бөлімдер жұмыс істейді.

Орталық басшысы болып Нұрлыбек Сақпаров тағайындалды. Ол — инженер-құрылысшы мамандығы бойынша жоғары білімді, Атырау облысының тумасы. Еңбек жолын 1987 жылы мемлекеттік банкте бастаған. Әр жылдары банк, сақтандыру, энергетика және құрылыс салаларында басшылық қызметтер атқарған. Соңғы он жылда облыстық құрылыс басқармасында бас маман және бөлім басшысы ретінде еңбек еткен.

Жаңа орталық өңірлік инвестициялық жобалардың сапасын арттырып, тиімділігін бағалауға мүмкіндік береді.

Бүгін, 15:29