Атыраудағы газ сепарациялау кешені: құрылыс қарқыны 28% дан асты

Атырауда KMG PetroChem жүзеге асырып жатқан газ сепарациялау кешенінің (ГСК) құрылысы қарқынды жүріп жатыр. Жобаның жалпы жүзеге асу көрсеткіші 28%-дан асты.

Кешеннің құрылыс алаңында бір күн ішінде 540 м³ бетон (1300 тонна) төселіп, пропан сақтауға арналған сыйымдылықтың іргетасы екі ауысыммен құйылды. Бұл жұмысқа 40 арматурашы, ағаш ұстасы, геодезистер, жүк көтеру бригадалары мен техника операторлары тартылды. Үш автобетонсорғы және 12 автобетонараластырғыш пайдаланылды. Іргетас қаңқасы 80 тонна арматурадан жасалды.

Пропан буллиттерін «Атыраунефтемаш» кәсіпорны дайындап жатыр. Көміртекті болаттан жасалатын үш ыдыс пропанды қауіпсіз сақтауға және тасымалдауға мүмкіндік береді.

Құрылыс алаңындағы негізгі бағыт – қада қағу жұмыстары. 29,5 мың қададан 24 021-і қағылды. Қазір нысанда 3 000-нан астам маман еңбек етуде, олардың 97%-ы – Қазақстан азаматтары.

Кеше, 14:32