Ауыл партиясының төрағасы ауысты

АСТАНА, 23 маусым – Sputnik. "Ауыл" партиясының кезектен тыс съезі өтті.
Съезд барысында Серік Егізбаев партияның төрағасы қызметінен кететінін мәлімдеді.

© Photo : Пресс-служба партии "Ауыл""Ауыл" партиясының төрағасы ауысты

"Ауыл" партиясының төрағасы ауысты

© Photo : Пресс-служба партии "Ауыл"

Ол ең алдымен партияның және оның болашағының мүдделерін басшылыққа алатынын атап өтті.

"Бүгінгі саяси сәт барлық прогрессивті күштерден қоғамның жаңару туралы сұранысына лайықты жауап беруді талап етеді. "Ауыл" партиясы осы үдерістерден шетте қала алмайды, керісінше, партия олардың белсенді қатысушысы, ал бұл үшін аграрлық және әлеуметтік күн тәртібіне жаңа көзқарастар әкелуді, жаңартылған саяси жүйеде тиімді жұмыс істеуді қажет етеді. Сондықтан партия төрағасы қызметімді тоқтатуым партияның ішкі динамикаға дайындығын және жаңа саяси жүйеде алдағы сайлауға толыққанды қатысуға ниеттілігін көрсететін заңды қадам болады", - деді Егізбаев.

© Photo : Пресс-служба партии "Ауыл""Ауыл" партиясының төрағасы ауысты

"Ауыл" партиясының төрағасы ауысты

© Photo : Пресс-служба партии "Ауыл"

Серік Егізбаев Съездің қарауына партия төрағасының орынбасары Қайрат Айтуғановтың кандидатурасын төраға лауазымына ұсынды. Айтуынша, жаңа төрағаның партиялық жұмыста сабақтастықты қамтамасыз етіп, алда тұрған міндеттерді іске асыруды үйлестіруге зор мүмкіндігі бар.
Съезд делегаттары төраға орынбасары болған Қайрат Айтуғановтың кандидатурасын бірауыздан қолдады.

© Photo : Пресс-служба партии "Ауыл""Ауыл" партиясының төрағасы ауысты

"Ауыл" партиясының төрағасы ауысты

© Photo : Пресс-служба партии "Ауыл"

Қайрат Қапарұлы - әр жылдары Ауыл шаруашылығы бірінші вице-министрі, аппарат басшысы, "Оңтүстік" әлеуметтік-кәсіпкерлік корпорациясы" ұлттық компаниясы" АҚ басқарма төрағасы, Қарағанды облысы әкімінің орынбасары, "ҚазАгро" ұлттық басқарушы холдингі" АҚ басқарма төрағасының орынбасары, "ҚР Кәсіподақтар федерациясы" республикалық қоғамдық бірлестігінің төраға орынбасары болып қызмет атқарды.