Астанадағы 800 метрлік көлік туннелінің құрылысы қалай жүріп жатыр

АСТАНА, 25 қыркүйек – Sputnik. Көлік басқармасының күрделі құрылыс бөлімінің бас маманы Нұржан Әбішев Sputnik Қазақстанға Астанадағы 800 метрлік көлік туннелінің құрылысы туралы айтып берді.

Алматы көшесінің бір бөлігіндегі көлік қозғалысын толығымен жер астына көшіру жоспарланып отыр. Себебі бұл көлік кептелісін азайтады.

Туннель төрт жолақты болады: әр бағытта екі жолақ. Оның жабық бөлігінің ұзындығы 300 метр, кірме жолдар үшін қосымша 500 метр болады. Құрылымның биіктігі - 5,5 метр.

Құрылысшылар "топырақтағы қабырға" технологиясын қолдануда: арнайы қадалар бір-бірінің үстіне 25 см қабаттасып, тығыздалған құрылым қалыптастырады. Бұл жұмысты құрылыс нысандары тығыз орналасқан қалалық жерлерде жүргізуге мүмкіндік береді.

"Негізгі мақсат - осы учаскеде ыңғайлы және үздіксіз көлік қозғалысын ұйымдастыру", - деді Нұржан Әбішев.

Құрылысты 2027 жылдың соңына дейін аяқтау жоспарланып отыр.