Азаматтар табиғатты сақтауға міндетті

Конақтарды қарсы алған Мәжіліс Төрағасы Пере Понстың Астанаға сапары ЕҚЫҰ Парламенттік Ассам­блеясымен өзара іс-әрекетті талқылау үшін тамаша мүмкіндік екенін атап өтті. Сондай-ақ ЕҚЫҰ Парламенттік Ассамблеясының делегациясы бел­сене қатысқан Өңірлік экология самми­тінің маңызды қорытынды­ларына тоқталды.

Ерлан Қошанов Қазақстан Пре­зидентінің БҰҰ аясында Халықаралық су ұйымын құру жөніндегі бастамасын қолдағаны үшін Ассамблея басшы­сына алғыс айтты. Палата Спикері саммит барысында қабылданған Орталық Азиядағы экологиялық ын­тымақтастық жөніндегі Астана дек­ларациясы мен басқа да бірқатар маңыз­ды келісімдер ортақ экология­лық күн тәртібін қалыптастыруға елеулі серпін беретініне сенім біл­дірді. 

– Бүгінде Орталық Азия Аралдың тартылуы мен Каспийдегі су дең­гейінің таяздануы секілді ауқымды экологиялық проблемаларға тап болып отыр. Климаттың өзгеруі, шөлейттену, су тапшылығы, азық-түлік қауіпсіздігі мәселелері қазіргі экологиялық дағдарысты ушықтыра түсуде. Осы ретте Президент Қасым-Жомарт Тоқаевтың БҰҰ агенттігі ретінде қызмет ететін Халықаралық су ұйымын құру жөніндегі бастамасы­ның өзектілігі анық, – деді Ерлан Қошанов. 

Мәжіліс Төрағасы Пере Понсты Қазақстандағы саяси реформалар мен жаңа Конституцияның басты қағида­лары туралы хабардар етті. Ол Ата заңда экологиялық қауіпсіздік пен қоршаған ортаны қорғауды қамтама­сыз ету үшін мемлекеттің жауапкер­шілігі бекітілгеніне назар аударды. Бұл ретте азаматтар табиғатты сақ­тауға, табиғи байлықтарға ұқыппен қарауға міндетті.

Сондай-ақ Ерлан Қошанов Қа­зақ­стан қоршаған ортаны қорғау саласындағы заңнаманы дәйекті түрде реформалап келе жатқанына тоқталды. Мәселен, 2021 жылы Ас­тана­­дағы ЕҚЫҰ Бағдарламалар кеңсесінің қолдауымен әзірленген жаңа Экологиялық кодекс қабыл­данды. Бүгінде елімізде жоғары эко­логиялық мәдениет қалыптасуда. Оған Мемлекет басшысының бас­тама­сымен бүкіл ел бойынша мил­лионнан астам еріктіні біріктіретін «Таза Қазақстан» жалпыұлттық экологиялық қозғалысы үлкен серпін беруде.

Өз кезегінде Пере Понс Қазақ­станды референдумның сәтті өтуімен және жаңа Конституцияның қабыл­дануымен құттықтап, ЕҚЫҰ Пар­ламенттік Ассамблеясы Президент Қасым-Жомарт Тоқаевтың басшы­лығымен жүзеге асырылып жатқан барлық өзгерісті құптайтынын атап өтті. 

ЕҚЫҰ Парламенттік Ассамблея­сының төрағасы Өңірлік экология саммитінің қорытындыларына жоғары баға беріп, экология, көлік, логистика, орнықты даму мәселе­лерінде Орталық Азия өңірінің ел­дерімен одан әрі ықпалдастықты күшейтуге шақырды. 

Кездесу барысында тараптар терроризм, киберқылмыс, заңсыз есірткі айналымы сияқты жаңа жа­һан­дық сын-қатерлер мен транс­ұлттық қауіптерге қарсы күрес жағ­дайында ЕҚЫҰ Парламенттік Ас­сам­­блеясына мүше парламент­тердің үйлесімді жұмысының маңыз­ды екеніне назар аударды. 

Тараптар парламенттік дипло­матия бүгінде мемлекетаралық қаты­настардың тиімді тетігі екенін құптап, оны ортақ мақсаттарға жету үшін ба­рынша пайдалануға дайын екен­діктерін білдірді.

Кездесуге қатысқан ЕҚЫҰ Пар­ламенттік Ассамблеясының Бас хат­шысы Роберто Монтелла, Эко­но­микалық мәселелер, ғылым, тех­­­нология және қоршаған орта жө­нін­дегі жалпы комитеттің төрағасы, Әзербайжан Республикасының Мил­ли Меджлис депутаты Азай Гулиев, сондай-ақ ЕҚЫҰ Парламенттік Ассам­блеясының Орталық Азия бо­йынша арнаулы өкілі, Грек Рес­публикасы Парламентінің депутаты, «Грекия – Қазақстан» парламент­аралық достық тобының тең төрағасы Ангелос Сиригос болды.