Табиғатты аялау ортақ міндет

Қазақстанда кейінгі жылдары «Таза Қазақстан»  республикалық экологиялық ак­циясы аясында табиғатқа жа­на­шыр­лық­пен қарау, қоршаған ортаның таза­лы­ғын сақтау және елді мекендерді абат­­­тандыру бағытында ауқымды ша­ра­лар атқарылуда. Мемлекет басшысының бас­та­масымен жүзеге асырылып жатқан бұл республикалық акция аясында эко­ло­гиялық мәдениет пен туған табиғатты қор­ғау түсінігін қалыптастыру шаралары жә­не қалаларды абаттандыру мен кө­гал­дандыру, аймақтар мен алыс елді­ме­кен­дерді, өзен аңғарлары мен орман-тоғай­лар­ды қоқыстан тазарту жұмыстары қол­ға алынған.

Биыл еліміздің барлық өңірінде Дү­ниежүзілік тазалық күніне орай эко­ло­гиялық іс-шаралар ұйымдастырылды. Рес­ми ақпаратқа сәйкес, республиканың түк­пір-түкпірінен аталған шараға 513 мың­нан астам адам қатысты. Акция ба­ры­сында саябақтар мен қоғамдық орын­дар, орман алқаптары, өзен жағалаулары мен су қоймалары, қалалар мен ауылдар­дың шеткі аумақтары тазартылды. 

Ақтөбе облысының тұрғындары да рес­публикалық экологиялық шараға бел­сене қатысып, өңір табиғатының та­за­лығын сақтау жұмыстарына «бір кі­сі­дей» жұмылды. Ақтөбе өңірін көгал­дан­дыру және қоршаған ортаны қоқыс­тар­дан тазарту, ағаш отырғызу секілді эко­ло­гиялық шаралар Ақтөбе қаласында жә­не облыстың барлық ауданында ұйым­дастырылды. Мемлекеттік қыз­мет­шілер мен еңбек ұжымдарынан бөлек, жас­тар, еріктілер, белсенділер, өнер адам­дары және қарапайым тұрғындар ортақ іске атсалысты.

Қазақ – «Жұмыла көтерген жүк жеңіл», «Бір тал кессең, он тал ек» деп өсиет еткен халық. Бұл тұрғыдан алғанда «Таза Қазақстан» – тазалықтан басталып, ортақ  мәдениетке айналатын үлкен іс. Об­лыс әкімі Асхат Шахаров тұрғын­дар­мен бірге «Қоныс» спорт сарайының жа­­­­нындағы жаңа саябақ аумағында ағаш отырғызды. Сондай-ақ облыс әкімі сен­білікке қатысқан барлық тұрғындарға алғыс білдіріп, дүниежүзілік тазалық кү­нінің маңызына тоқталды. 

– Біз сүйікті қаламызды абаттан­ды­ру­ға өз үлесімізді қосу үшін жиналдық. Сен­­білікке белсенділер, еріктілер, өнер са­­ласының өкілдері және облыс тұр­ғын­дары – жалпы 12 мыңға жуық адам шық­ты.

Бұл шара Президент Қасым-Жомарт Ке­мелұлының тапсырмасы аясында жү­зеге асырылып жатқан республикалық «Та­за Қазақстан» жалпыұлттық эколо­гия­лық бағдарламасы аясында ұйым­дас­тырылуда. Бағдарламаның мәні тек кө­ше­лерді тазалаумен шектелмейді, бұл – адамның қоршаған ортаға деген көз­қа­расын өзгерту, экологиялық мәдениетті қ­алыптастыру және әрбір азаматтың өз қа­ласына, ауылына, көшесіне деген жауап­кершілігін арттыру, – деді Асхат Шахаров.

Облыс бойынша Дүниежүзілік та­за­лық күні аясында 7 200 түп ағаш отыр­ғы­­зылды. Оның ішінде мойыл, шетен, ша­ған, қарағай, сирень, тал, үйеңкі, шиыр­шықты тал, жеміс ағаштары, татар үйең­кісі және басқа да өсімдік түрлері бар. Мамандардың пікірінше, жабық та­мыр жүйесі бар ағаштардың биіктігі ша­мамен екі-төрт метр аралығында, яғ­ни агротехникалық талаптар сақталған жә­не қазіргі ауа райына сай, бұл ағаш­тардың жерсіну мүмкіндігін арттырады. Об­лыстық Табиғи ресурстар және та­би­ғат пайдалануды реттеу басқармасының бас­шысы Исатай Еспағанбетовтің ай­туын­ша, күзгі алғашқы ағаш егу жұмысы басталды.

– Қазіргі уақытта ағаштарды жабық та­мыр жүйесімен егіп жатырмыз. Ашық та­мырлы көшеттерді қыркүйектің аяғы мен қазан айының басында егу жос­пар­ла­нып отыр. Осындай көгалдандыру жұ­мыстары аудан орталықтары мен ауыл­дық округтерде де жалғасады. Осы сая­бақта қарағай, ирек тал және мойыл се­кілді 150-ден астам көшет егіледі, – де­ді ол.

Жалпы, кейінгі жылдары Ақтөбе өңі­рін жасыл желекпен көмкеру бойын­ша жүйелі жұмыстар жүргізілуде. 2026 жы­лы Ақтөбе қаласы мен аудан орта­лық­тарында 135 гектар аумақта жасыл бел­деулер құру жоспарланды. Қазіргі уа­қытта 46 гектар алқапқа 154 мыңға жуық түп ағаш отырғызылды. Жұмыс­тар­ды биылғы жылдың қараша айына дейін толық аяқтау жоспарланып отыр. Со­нымен қатар облыста 12 қыркүйек пен 14 қараша аралығында екі айлық сенбілік өтіп жатыр. Оның аясында ау­мақтарды санитарлық тазарту, абат­тан­дыру және көгалдандыру бойынша жұ­мыстар жүргізілуде.

– Бүгін сенбілікке шығып, туған қа­ламыздың тазалығы мен абаттан­дыры­луы­на үлес қосып жатқан Ақтөбе тұр­ғын­­дарына алғысымды білдіремін. Бұл – біздің ортақ сүйікті қаламыз. Сондықтан оны таза әрі жайлы ету үшін бәріміз бірге атсалысуымыз қажет.

Егер біз тазалықты тек сенбілік ке­зін­­де ғана емес, күнделікті сақтайтын бол­­сақ, қаламыз тұрғындар үшін де, ту­­­ристер үшін де тартымды бола түседі. Сон­да әрқайсымыз Ақтөбемізбен мақ­та­на аламыз, – деді облыс әкімі.

Республика бойынша ауқымды ша­раға айналған «Таза Қазақстан» акциясы өңір тұрғындарын ортақ іске жұмыл­ды­рып, елді мекендерді көгалдандыруға, абат­тандыруға және қоршаған ортаға ұқып­ты қарау мәдениетін қалыптас­тыру­ға бағытталған. Шара аясында елді ме­кендерді одан әрі көгалдандыру, қала жә­не ауыл тұрғындары үшін қолайлы ор­та қалыптастыру, сондай-ақ қоршаған ор­таға ұқыпты қарау мәдениетін қалып­тас­тыру  жұмыстары жалғасады. Со­ны­мен қатар Дүниежүзілік World Cleanup day акциясына қатысуымыз елімізді әлемдік экологиялық акцияға қатысушы ретінде «Жасыл экономика» қағидатын және 2030 тұрақты даму мақсаттарына қол жеткізуді іске асыратын ел ретінде та­нытуға мүмкіндік береді десек болады.

Арай АСПАН