Азия ойындары 2026: Қазақстандық спортшылар тағы екі алтын медаль жеңіп алды

АСТАНА 20 қыркүйек – Sputnik. Қазақстан ұлттық құрамасының өкілі Жоламан Бигабыл Жапонияның Айти–Нагоя қалаларында өтіп жатқан XX жазғы Азия ойындарының жеңімпазы атанды, деп хабарлады Туризм және спорт министрлігі.

© Photo : Пресс-служба Министерства туризма и спорта КазахстанаЖоламан Бигабыл

Жоламан Бигабыл

© Photo : Пресс-служба Министерства туризма и спорта Казахстана

"Каратэден кумитэ бағдарламасы бойынша 55 келіге дейінгі салмақ дәрежесінің финалында қазақстандық спортшы Өзбекстан өкілі Х. Халимовпен кездесті. Жоламан Бигабыл шешуші жекпе-жекте қарсыласын 9:1 есебімен сенімді жеңіп, Азия ойындарының алтын медалін иеленді", - деп жазылған хабарламада.

Бүгінде WKF каратэ Қазақстандағы бұқаралық спорт түрлерінің бірі саналады. Бұл спорт еліміздің 20 өңірінде дамытылып, онымен 77 мыңнан астам адам тұрақты түрде айналысады. Оның 25 мыңға жуығы – әйелдер.

Министрлік хабарлауынша, Жоламан Бигабылдың жеңісі қазақстандық каратэшілерді жүйелі даярлау мен еліміздің өңірлерінде осы спорт түрін дамыту бағытындағы жұмыстың нәтижесін тағы бір мәрте көрсетті.

Ал Софья Берульцева Азия ойындарының алғашқы жарыс күнінде Қазақстан құрамасына төртінші алтын медальді сыйлады.

© Photo : Пресс-служба министерства туризма и спорта Казахстана Софья Берульцева

Софья Берульцева

© Photo : Пресс-служба министерства туризма и спорта Казахстана

"Қазақстан ұлттық құрамасының өкілі каратэден кумитэ бағдарламасы бойынша 68 келіден жоғары салмақ дәрежесінде жеңімпаз атанды", - дейді министрлікте.

Софья Берульцева үшін бұл – Азия ойындарындағы қатарынан екінші алтын медаль. Ол бұған дейін Ханчжоуда өткен Азия ойындарында да 68 келіден жоғары салмақ дәрежесінде чемпион атанған.

Сондай-ақ Софья Берульцева – Токио Олимпиадасының қола жүлдегері және Қазақстан ұлттық құрамасының жетекші каратэшілерінің бірі.