Бағаннан құлап қайтыс болды: “ҚТЖ“ қызметкерінің қызы тергеу қорытындысына келіспейтінін мәлімдеді

"Қазақстан темір жолы" ұлттық компаниясының Батыс Қазақстан облысындағы филиалының қызметкері жұмыс орнындағы жазатайым оқиғадан кейін көз жұмды. Алайда марқұмның отбасы тергеу қорытындысымен келіспейді. Толығырақ Tengrinews.kz материалында.

"Қазақстан темір жолы" ұлттық компаниясының Батыс Қазақстан облысындағы филиалының қызметкері жұмыс орнындағы жазатайым оқиғадан кейін көз жұмды. Алайда марқұмның отбасы тергеу қорытындысымен келіспейді. Толығырақ Tengrinews.kz материалында.

Не болды?

Қаза тапқан жұмысшының қызы редакцияға Tengrinews.kz жүгінді. Әйел тергеу қорытындысымен келіспейтінін айтып, оқиғаға қатысты өз нұсқасын баяндап берді.

Оның айтуынша, қайғылы оқиға 2025 жылғы 8 қазанда болған. Сол бір сәтсіз күні КТЖ-да 18 жыл жұмыс істеген әкесі қызмет орнында болған.

"Байланыс электромеханигі болып істейтін әкем жұмыс орнында болған және аға механиктің тапсырмасымен ағаш бағанаға шыққан. Бағана ескіріп, апаттық күйде болғандықтан құлап кеткен. Әкем бағанамен бірге құлап, ол үстіне түскен", - деді әйел.

Қазақстандық әйелдің айтуынша, құлағаннан кейін әкесін облыстық ауруханаға жеткізген, бірақ онда толық тексеру жүргізілмей, үйіне жіберілген. Келесі күні ер адамның жағдайы күрт нашарлаған.

"Дәрігерлер бағанадан құлау салдарынан жіңішке ішектің жарылуы мен сепсис (қанның бұзылуы - ред. ескертуі) анықтады. Оны бағаннан құлаған кезде алған. Отадан кейін әкем сол күйі есін жимады. 2025 жылдың 10 қазанында ол қайтыс болды", - деді әйел.

Әйелдің айтуынша, басында жазатайым оқиғаны жасырмақ болған.

ОБСУЖДАЕТСЯ СЕЙЧАС

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

"Заң бойынша жұмыс беруші оқиға болған күні еңбек инспекциясына өндірістегі жазатайым оқиға туралы хабарлауға міндетті. Алайда хабарлама бірнеше күннен кейін - әкем қайтыс болғаннан кейін ғана жіберілді", - дейді ол.

Марқұмның қызы болған оқиғаға жауапкершілік әкесіне жүктелген тергеу қорытындысымен келіспейтінін мәлімдеді. Әйелдің айтуынша, әкесін "ішімдік ішкен" етіп көрсеткен.

Ол тергеу актісіне шағым түсірген, қазіргі уақытта іс сотта қаралып жатыр.

Комиссия қандай қорытындыға келді?

Еңбек және халықты әлеуметтік қорғау министрлігінің Мемлекеттік еңбек инспекциясы комитеті жазатайым оқиға 2025 жылғы 8 қазанда Желаево - Пойма өткеліндегі Жайық өзені арқылы өтетін көпір маңында болғанын хабарлады. Зардап шеккен азамат "КТЖ" филиалы - "Ақтөбе магистральдық желі бөлімшесі" Орал сигнал беру және байланыс дистанциясында байланыс электромеханигі болып жұмыс істеген. Оқиғадан екі күн өткен соң ер адам ауруханада көз жұмған.

2025 жылғы 25 қарашада арнайы тергеу жүргізілген. Оның материалдарына сәйкес, зардап шегуші тиісті тапсырма болмаса да, өз бетімен тірекке шыққан.

"Жұмысшы жоғарыға шығу туралы тапсырма болмаса да және әріптестерінің конструкцияның қауіптілігі туралы ескертуіне қарамастан, жұмыс көлемін өз бетінше ұлғайтып, бекітілмеген әрі қауіп төндіретін тірекке шыққан", - деп хабарлады Мемлекеттік еңбек инспекциясы комитеті.

Нәтижесінде тірек құлап, ер адам дене жарақаттарын алды.

Ведомство жұмысшының бұл әрекеті оның функционалдық міндеттеріне кірмегенін және жұмыс берушінің тапсырмасынан туындамағанын қайталап айтты. Осыған байланысты комиссия бұл жағдай еңбек қызметімен байланысты емес және өндірістік оқиға ретінде есепке алынбайды деген қорытындыға келді.

Медициналық куәландыру нәтижелері

Бұдан бөлек, медициналық куәландыру қорытындысына сәйкес, қызметкердің жеңіл дәрежедегі алкогольдік мас күйінде болғаны тіркелген.

"2025 жылғы 8 қазандағы №12443 медициналық куәландыру қорытындысына сәйкес, М.-ның жеңіл дәрежедегі алкогольдік мас күйі (0,41 промилле) анықталды", - деп толықтырды ведомство.

Жұмыс беруші тарапынан жіберілген заңбұзушылық

Сонымен қатар тексеру барысында жұмыс берушінің шынымен де жазатайым оқиға туралы хабарлау тәртібін бұзғаны анықталды. Комитет аталған факт бойынша заңды тұлға әкімшілік жауапкершілікке тартылғанын мәлімдеді.

Ұлттық компания не деді?

"КТЖ" редакцияның ресми сауалына берген жауабында қиғадан кейін жұмысшыны облыстық аурухананың травматологиялық пунктінде дәрігерлер қарағанын және бірден ешқандай елеулі жарақаттар анықталмағанын хабарлады.

"Хирург тексеру кезінде жедел хирургиялық патологияны анықтамаған. Нейрохирург құрсақ қуысының алдыңғы қабырғасының жұмсақ тіндерінің соғылуын, травматолог кеуде қуысының соғылуын анықтады", - деп хабарлады ұлттық компания.

Тексеруден кейін ер адам үйіне жіберілген.

"Екі тәуліктен кейін ол ауруханаға қайта жүгініп, жасалған отадан соң медициналық мекемеде қайтыс болды", - делінген КТЖ жауабында.

Сондай-ақ ұлттық компания комиссия қорытындысына сілтеме жасап, онда оқиғаға себеп болған техникалық заңбұзушылықтар анықталмағанын атап өтті.

"Оқиғаның негізгі себебі ретінде жұмысшының мас күйінде болуы, жұмыс көлемін өз бетінше ұлғайтуы және өрескел абайсыздығы танылды", - деп толықтырды компания өкілдері.

Мемлекеттік еңбек инспекциясы комитеті арнайы тергеп-тексеру актісі қазіргі уақытта сотта дауланып жатқанын да нақтылады.

Google News арқылы жаңалықтарымызды қадағалаңыз

Жазылу