Балаларын терезеден лақтырып жіберген әйел қылмыстық жауапкершіліктен құтылды

Биыл 30 шілдеде павлодарлық әйел Нұрмағамбетов көшесінің бойындағы көпқабатты үйдің подъезіндегі терезеден екі баласын лақтырып, артынша өзі де секіріп кеткен болатын, деп жазады Egemen.kz.

Фото: Жоғарғы сот

Әйелдің әркетінен соң 1,5 жастағы баласы көз жұмған. Ал 7 жасар ұлы мен өзі аман қалған. 

Аталған фактіге қатысты қылмыстық істі Павлодар облысының қылмыстық істер жөніндегі мамандандырылған ауданаралық соты қарады.

Қылмыстық кодекстің ҚК-нің 99-бабы 3-бөлігі – «Жас баланы өлтіру» және 24-баптың 3-бөлігі, 99-баптың 3-бөлігі – «Жас баланы өлтіруге әрекет жасау» баптары бойынша қаралған істе айыпталушы қылмыстық жауапкершіліктен босатылды. 

Себебі сот Павлодар тұрғынының қылмысты жасау кезінде ақыл-есі дұрыс болмағанын анықтады.

Облыстық қылмыстық істер жөніндегі мамандандырылған ауданаралық сотының судьясы Жанна Нығыбаева айыпталушыға қарқынды бақыланатын мамандандырылған типтегі психиатриялық стационарда мәжбүрлеп емдеу жазасын тағайындады.