Бектенов отандастарды жаңа Конституцияның қабылдануымен құттықтады

Сурет: Үкіметтің баспасөз қызметі

Қазақстан Премьер-министрі Олжас Бектенов өткен жалпыхалықтық референдум қорытындысы бойынша  отандастарын жаңа Конституцияның қабылдануымен құттықтады.

Бектенов дауыс беру кезіндегі азаматтардың жоғары белсенділігі шынайы патриотизмнің үлгісі және Президент Қасым-Жомарт Тоқаевтың бағытын бүкілхалықтық қолдаудың айғағы болғанын атап өтті.

«Біз сіздермен бірге ауқымы мен мән-маңызы тұрғысынан ел тағдырына қатысты тарихи оқиғаның тікелей куәгері болдық. Президентіміз  атап өткендей, қазақстандықтар жаңару мен жаңғыру үшін дауыс беріп, мемлекеттігімізді нығайтуға өз үлестерін қосты», — делінген құттықтаудың мәтінінде.

Премьер-министр Әділетті әрі Өркендеген Қазақстанның жаңа тарихы ұлттық дәстүрлеріміз бен мәдениетімізді ұлықтап, тек демократиялық құндылықтарға негізделетінін атап өтті.

Премьер-министрдің келтірген негізгі тезистері:

Қазақстан Мемлекет басшысының  басшылығымен сенімді түрде дамудың жаңа кезеңіне қадам басты.Референдум қорытындысы жүргізіліп жатқан саяси және әлеуметтік-экономикалық реформалардың сапасы мен қарқынын қамтамасыз етеді.Қабылданған Конституция Отанымыздың Бірлігі мен Тәуелсіздігінің және Егемендігінің символына айналды.

Олжас Бектенов жүргізіліп жатқан өзгерістердің сапасы мен даму қарқынын қамтамасыз ете отырып, бәріміз бірге алға қойылған мақсат-міндеттерге қол жеткізетінімізге сенім білдірді.

Бүгін, 11:53