Бір тәуліктен астам іздеді: Алматы тауларынан жоғалған бала табылды

30 тамызда Алматы тауларында, Аюсай шатқалына жақын маңда 11 жасар бала жоғалып кетті. Баланы бір тәуліктен аса уақыт бойы 160-тан астам адам іздеді. 31 тамызда іздестіру шаралары аяқталды, деп хабарлайды Tengrinews.kz.

Төтенше жағдайлар министрлігінің мәліметінше, ата-анасымен серуендеу кезінде адасып кеткен баланы іздестіру жұмыстары шамамен 2000 метр биіктікте жүргізілді.

Оқиға орнында жедел штаб құрылды.

"Іздеу жұмыстарына шамамен 160 адам жұмылдырылды. Олардың қатарында ТЖД қызметкерлері, Алматы Мониторинг және жедел әрекет ету орталығы, ҚР ТЖМ "Барыс" республикалық жедел-құтқару жасағының құтқарушылары, полиция қызметкерлері, Медеу орманшылығының орманшылары, ДСС еріктілері, әскери қызметшілер, ҚР ҰҚК Шекара қызметінің, ҚР ІІМ Ұлттық ұланының әскери қызметшілері және басқа да қызметтер болды", - деп хабарлады ведомство.

Сондай-ақ баланы іздеуге кинологтар, дрондар және ҚР ТЖМ "Қазавиақұтқару" авиациясы тартылды.

"Іздеу жұмыстары жердегі топтармен қатар әуеден де жүргізілді. Жаяу жүріп, дрондар мен кинологиялық есептоптың көмегімен Аюсай шатқалының 6 шақырымнан астам аумағы және Үлкен Алматы өзенінің арнасы тексерілді. Тікұшақ іздеу аумағын әуеден шолып шықты", - деді ТЖД өкілдері.

Нәтижесінде құтқарушылар мен еріктілердің бірлескен тобы баланы тапты.

ҚАЗІР ТАЛҚЫЛАНЫП ЖАТЫР

Қызылорда облысында жыл басынан бері 88 мыңнан астам ағаш көшеті егілді

29 тамыз 15:33 1

ТЖМ бала аман екенін және ата-анасына тапсырылғанын атап өтті. Ведомство мәліметінше, бала медициналық көмекке мұқтаж болмаған.

Бұған дейін Аюсай шатқалында жеті жасар қыз бала жоғалып кеткен болатын. Оны тауды патрульдеу кезінде құтқарушылар тауып алды.

Google News арқылы жаңалықтарымызды қадағалаңыз