Бір үйдің екі қызы Біріккен Араб Әмірліктерінде қаза тапты

Біріккен Араб Әмірліктерінің Шарджа қаласында апалы-сіңілі қазақстандық екі қыз қаза тапты, - деп хабарлайды Aikyn.kz.

Бұған дейін әлеуметтік желіде қаза тапқан қыздардың мәйітін елге қайтару үшін көмек сұраған жазбалар жарияланған болатын.

— ҚР Сыртқы істер министрлігі Шарджа қаласында (БАӘ) қаза болған Қазақстан Республикасының азаматтары Ақжан Боханова мен Жұлдыз Боханованың туған-туыстары мен жақындарына қайғыларына ортақтасып, көңіл айтады.

Қазақстан Республикасының Дубай қаласындағы Бас консулдығы қажетті консулдық-құқықтық көмек көрсетіп жатыр, оның ішінде тиісті құжаттарды рәсімдеуге және Қазақстан азаматтарының қаза болу мән-жайына қатысты Әмірліктердің құзыретті органдарымен өзара іс-қимыл жасауға жәрдемдесуде, — деп хабарлады министрліктің баспасөз қызметі.

 Тергеу мүддесіне байланысты қазіргі уақытта қосымша ақпарат жария етілмейді.

— ҚР СІМ қаза болғандардың отбасыларымен тұрақты байланыста және өз құзыреті шеңберінде оларға қажетті көмек көрсетіп жатыр, — дейді ҚР СІМ.