Блогер Қайсар Қамза ұсталғаны туралы ақпараттан кейін Вьетнамнан видео жазды

Вьетнамда ұсталған танымал блогер Қайсар Қамза әлеуметтік желіде видео жариялап, тұтқындалғаннан кейінгі жағдайын бөлісті, - деп хабарлайды Tengrinews.kz тілшісі.

Вьетнамда ұсталған танымал блогер Қайсар Қамза әлеуметтік желіде видео жариялап, тұтқындалғаннан кейінгі жағдайын бөлісті, - деп хабарлайды Tengrinews.kz тілшісі.

Қамза бұл туралы Instagram-дағы Stories-інде жариялады. Видеода блогер жақында Қазақстанға ұшып барып, кейін Вьетнамның Нячанг қаласына оралғанын айтады.

"Қазір экстрадициялау мәселесі шешіліп жатыр, шешім күтіп отырмын. Ешкім қамап, соттаған жоқ. Көші-қон қызметі тек төлқұжатты алып қойды. Барлығы дұрыс болсын деп тілек тілеңіздер. Осыны айтқым келді. Жақсы күндерде кездескенше!" - деді блогер.

Айта кетейік, бұған дейін блогер Қайсар Қамза Вьетнамда ұсталды. Қазақстанның Ішкі істер министрлігі Интерпол арналары арқылы Вьетнам Социалистік Республикасының құқық қорғау органдарымен өзара іс-қимыл нәтижесінде Камрань қаласында заңсыз ойын бизнесін ұйымдастырғаны үшін халықаралық іздеуде жүрген блогерді ұстаған еді.

Күдікті 5 жыл бойы Instagram әлеуметтік желісінде, "qais_arr" атауымен (2,4 миллион жазылушы) белсенді блогерлік қызмет жүргізіп, сондай-ақ Telegram-дағы "Қора энтертейнмэнт" жабық арнасын (368 мың жазылушы) басқарған.

Күдікті әлеуметтік желілердегі жеке аккаунттарын пайдалана отырып, Қазақстан Республикасының азаматтары үшін "Pinco" сайтында тіркелуге және құмар ойындарға қатысуға бағытталған тікелей сілтемелерді, графикалық элементтерді және үндеулерді қамтитын бейнематериалдар мен жарияланымдарды жүйелі түрде орналастырған. Сонымен қатар бейнероликтердің астында пайдаланушыларға бонус беретін жеке промокодын көрсеткен.

ОБСУЖДАЕТСЯ СЕЙЧАС

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

"Осылайша, Қамза Қ.Б. азаматтарды құмар ойындарға тартуға бағытталған онлайн-платформаны жарнамалап, ойын платформасынан сыйақылар, бонустар немесе пайыздық аударымдар түрінде табыс алып отырған. Заңсыз жолмен алынған кірістерді жасыру мақсатында күдікті криптоәмиянды пайдаланған. Оған "Pinco" интернет-казиносының ұйымдастырушыларынан төлемдер түсіп отырған", - делінген хабараламада.

Қайсар Қамза — қазақстандық инфлюенсер. Оның Instagram-дағы парақшасында 2,4 миллионға жуық оқырманы бар.