БҚО денсаулық сақтау басқармасының басшысы медициналық мекемелердегі бас дәрігерлердің ұсталуынан кейін қызметінен шеттетілді БАҚ

Батыс Қазақстан облысы денсаулық сақтау басқармасының басшысы Мадияр Өтешев өңір әкімінің өкімімен бір айға жұмыстан шеттетілді. Бұл ақпарат БАҚ-та тарап жатыр, деп хабарлайды TengriHealth тілшісі "Уральская неделя" басылымына сілтеме жасап.

Батыс Қазақстан облысы денсаулық сақтау басқармасының басшысы Мадияр Өтешев өңір әкімінің өкімімен бір айға жұмыстан шеттетілді. Бұл ақпарат БАҚ-та тарап жатыр, деп хабарлайды TengriHealth тілшісі "Уральская неделя" басылымына сілтеме жасап.

Не болды?

Басылымның жазуынша, БҚО денсаулық сақтау басқармасының басшысы Мадияр Өтешев облыс әкімі Нариман Төреғалиевтің өкімімен бір айға қызметінен шеттетілген.

Жарияланым шыққан сәтте бұл ақпаратқа қатысты ресми растау болған жоқ. Біз құқық қорғау органдары мен Батыс Қазақстан облысының әкімдігіне ресми сауал жолдадық.

Бұл оқиға сәуір айының соңында Батыс Қазақстан облысында жеті медициналық мекеме басшысының ұсталуымен байланыстырылады. Олар ірі жеке медициналық зертханадан және басқа да өнім берушілерден "жалпы қамқорлығы" үшін жүйелі түрде пара алды деп күдіктелген.

Ұсталғандардың арасында мына тұлғалар бар екені хабарланды:

балалар ауруханасының бас дәрігері; № 1 және 6 емханалардың директорлары; Жәнібек, Қаратөбе, Теректі және Дарьинск ауылдарындағы аудандық ауруханалардың бас дәрігерлері.

"Тергеу мәліметтері бойынша, ұсталғандар кінәсін мойындау туралы түсініктеме берген. Тергеу соты іске қатысы бар адамдарға қатысты үйқамақ немесе ешқайда кетпеу туралы қолхат түріндегі бұлтартпау шарасын таңдады", - делінген хабарламада.

Сондай-ақ басылым ұсталғандардың ешқайсысы отставкаға кетпегенін атап өтті. Олар лауазымдарын сақтап қалған, бірақ қаржылық қаражатты жұмсау құқығынан айырылған.

Google News арқылы жаңалықтарымызды қадағалаңыз

Жазылу

Денсаулық сақтау басқармасы

Батыс Қазақстан облысы

қызметтен кету