Бұл стратегия емес : белгілі заңгер Гүлайым Рахмоноваға қысым жасамауға шақырды

Заңгер Мейірман Шекеев белгілі спортшы, жауынгер Шавкат Рахмоновтың бұрынғы жұбайы Гүлайым Рахмонованы қорғап, жұртшылықты оған қарсы жағымсыз пікір жазбауға шақырды, – деп хабарлайды Aikyn.kz сайты.

Оның айтуынша, кейбір адамдар Гүлайымның соңғы жазбасын қылмыстық жауапкершіліктен жалтарудың амалы деп бағалап жатыр. Бірақ заңгер мұндай пікірмен келіспейді.

«Басына ауыр қайғы түскен адамға мұндайды ойлаудың өзі қиын. Ол туған әпкесінен айырылды, үстіне автокөлігінен 20 миллион теңге жоғалды. Бұл – үлкен соққы», – деді ол.

Сондай-ақ заңгер қандай да бір «стратегия» заңдағы жазаға әсер етпейтінін атап өтті. Осыған байланысты ол қоғамды даурықпай, керісінше Гүлайымға қолдау көрсетуге шақырды.