Бурабайда ер адам итті атамын деп әріптесін жарақаттап алды

АСТАНА, 2 ақпан – Sputnik. Бурабайда мекеме қызметкері қаңғыбас иттерді атам деп әріптесін жаралап алды, деп хабарлайды Sputnik Қазақстан.

Оқ ер адамның аяғына тиген. Дәрігерлер оның өміріне қауіп жоқ дейді.

"Науқас аяқ жарақатымен медициналық ұйымға жеткізіліп, травматология бөліміне жатқызылды. Қазіргі уақытта оның жағдайы тұрақты, оған барлық қажетті медициналық көмек көрсетіледі", - дейді Ақмола облыстық денсаулық сақтау басқармасында.

Ал полиция екі баппен іс қозғаған.

"Абайсызда денсаулыққа ауыр зиян келтіру және жануарларға қатыгездік жасау фактілері бойынша сотқа дейінгі тергеп-тексеру басталды", - дейді облыстық полиция департаментінде.

Қазіргі уақытта тергеу жүріп жатыр.