Бурабайдағы көлге шомылған бірнеше адам тері ауруына шалдықты

Фото: әлеуметтік желіден

Әйелдің сөзінше, осыған ұқсас белгілер анасы, әкесі және әжесінде де байқалған. Ол анасының тек Үлкен Шабақты көліне шомылғанын, ал Бурабай көліне мүлде түспегенін атап өтті.

«Мәселенің нақты себебі су деп кесіп айта алмаймын. Бірақ демалыстан кейін бірден бірнеше адамның бойынан бірдей белгілер байқалуы ойландырмай қоймайды», деп жазды ол.

Жазба авторы бұл арқылы дау тудырғысы келмейтінін, тек демалушыларды сақтандырып, курорттық аймақтағы көлдерге барғаннан кейін осындай жағдайға тап болған адамдар бар-жоғын білгісі келетінін жеткізді.

Бурабайдағы Көкшетау тауына баруға уақытша шектеу қойылды

Сонымен қатар ол «Бурабай» мемлекеттік ұлттық табиғи паркінің аумағындағы танымал демалыс орындарының санитарлық жағдайы қалай бақыланатыны жөнінде мәселе көтерді.

Ал Ақмола облыстық санитариялық-эпидемиологиялық бақылау департаменті мамандарының мәліметінше, шомылуға рұқсат етілген су айдындарында су сапасы тұрақты түрде тексеріліп отырады.

Бурабайға кіру ақысы қымбаттады

Ведомствоның хабарлауынша, 2026 жылдың мамыр айында көл суларынан санитарлық-химиялық, бактериологиялық және паразитологиялық зерттеулер үшін сынамалар алынған. Тексеру нәтижесінде ешқандай заңбұзушылық анықталмаған, барлық көрсеткіштер белгіленген талаптарға сәйкес келген.