Chevron: Теңіз мұнайы үздіксіз экспортталуда

Қазақстандағы ең ірі мұнай кен орны – Теңіз – шикізат экспортын қалыпты режимде жалғастырып жатыр. Каспий құбыр консорциумы (КҚК) инфрақұрылымына жасалған шабуылдар туралы хабарларға қарамастан, мұнай жөнелту тоқтаған жоқ, деп хабарлайды Reuters.

Chevron компаниясының өкілі (жобаның негізгі акционері) ресми түрде экспорттың үздіксіз жүріп жатқанын растады. Бұл ақпаратты Қазақстан Энергетика министрлігі де қуаттап, КҚК жүйесінің тұрақты жұмыс істеп тұрғанын мәлімдеді.

Бұған дейін КҚК нысандары орналасқан аймақта дрон шабуылдары болғаны белгілі болған еді. Алайда қазіргі уақытта бұл оқиғалар тасымал көлеміне әсер етпеген.

«Теңізшевройл» бас директоры Билли Лакоби Парламент депутаттарына қаңтардағы электр жабдықтарына қатысты апаттан кейін өндіріс толық қалпына келгенін айтты. Сонымен қатар, Болашақ кеңейту жобасының аяқталуы арқасында кен орны рекордтық көрсеткішке жетті:

2025 жылы өндіріс көлемі 39 млн тоннаға (тәулігіне 851 мың баррель) дейін өсті; 2024 жылы бұл көрсеткіш 27,8 млн тонна болған.

Анықтама: 

Теңіз кен орны Қазақстанның мұнай-газ секторындағы негізгі үш жобаның бірі. Оның акционерлері: Chevron (50%), ExxonMobil (25%), «ҚазМұнайГаз» (20%) және ресейлік «Лукойл» (5%).

Бүгін, 18:59