Цифрлық дәуірдегі ақпараттық иммунитет

Қазіргі ақпараттық ағында манипулятивті контенттің қаупі басым. «JastarX» жобасының биылғы қорытынды диалогі жас буынның цифрлық дәуірдегі қауіпсіздігіне арналды. Ұлттық музейдегі басқосуда Мәжіліс депутаттары, сарапшылар, медиаменеджерлер мен психологтер бой көрсетті.

Кез келген жаңалықты саналы түрде қабыл­дау, талдау оны дұрыс қолдану – ақпараттық мәде­ниетті қалыптастырудың негізгі шарты. Бұл дағды жеке адам­ның ғана емес, тұтас қоғам­ның жауапкершілігін бекіте түсе­ді. «Ақпарат тасқынындағы жас ұр­пақ: құндылық, таң­дау және жауап­кершілік» тақыры­бында өткен жиын барысында «Qazcontent» АҚ басқарма төр­ағасы Айна Задабек сауатты­лықтың бес негізгі кластерін ашып түсіндірді.

Медиасарапшының айтуынша, қазір ақпараттық, эмоцио­налды, технологиялық, тайм-ме­неджмент, сондай-ақ жасанды интеллектімен жұмыс істеу гигиенасы қажет. Ал Мәжіліс депутаты Екатерина Смолякова бүгінгі жас буын бұрынғы ұрпаққа қарағанда әлдеқайда сауатты және көптеген мүмкіндікке ие екенін айтты.

«Президенттік кадрлық резерв, «Болашақ» бағдарламасының кеңеюі, мемлекеттік гранттар санының жыл сайын артуы – жастардың сапалы білім алуына және қоғам өміріне белсенді араласуына жол ашып отырған ізгі бастамалар. Кейінгі екі-үш жылда елімізге әлемнің алдыңғы қатарлы 20-дан аса университетінің филиалы келіп, талантты жастарды елде ұстап қалуға мүмкіндік туғызып отыр. Мәжілісте қабылданып жатқан жаңа заңдар да жастардың тікелей қатысуымен әзірленіп жатыр. Мәселен, жасанды интеллект және цифрлық кодекс бойынша жұмыс топтарында IT-сарапшылар, жас мамандар, студенттер де белсенді еңбек етті. Қазір саясатқа жастардың келуі қалыпты үрдіске айналып келеді. Басшылық қызметтер де жасарып жатыр. Бастысы – адалдық, білім және еңбекқорлық. Осы қағидатты ұстанған жасқа барлық есік ашық», деді Е.Смолякова.

Сөз арасында депутат цифр­лан­дыру және жасанды интел­лектіні енгізу жөніндегі мақсат­тарды жүзеге асыру жастардың міндеті екенін атап өтті. Алаңда медиакеңістіктегі өзекті трендтерге де ерекше назар аударылды.

Негізінен «JastarX» жобасы 2023 жылдан бастап Мәдениет және ақпарат министрлігінің қолдауымен «Жастар» ғылыми-зерттеу орталығының бастамасымен жүзеге асырылып келеді. Биыл жоба аясында төрт диалог алаңы өтті. Атап айтсақ, «Жаңа буын­ның құндылықтары», «Жұ­мыс­шы мамандықтардың бола­шағы: трендтер мен перспективалар», «Еңбек нарығындағы қазіргі тенденциялар мен жағдай», «Цифр­ландыру және жасанды интел­лект». Бір ерекшелігі осы жылы жоба жұмысына өңірлік жас­тар ресурстық орталықтары да қаты­сып, талқылауларға онлайн фор­матта қатысуға мүмкіндік алды. 

Соңғы жаңалықтар

Міндетті таңбалауға тағы бір өнім қосылды

Экономика • Бүгін, 09:23

ӘКК кәсіпкерлерге қорған бола алмай тұр...

ЖОЛДАУ • Бүгін, 09:20

Көлік нарығы көңіл көншіте ме?

Сараптама • Бүгін, 09:18

Саламатты қоғам құрудың түп негізі

Денсаулық • Бүгін, 09:15

Ауылға қамқор азамат

Еңбек • Бүгін, 09:12

Білікті жандарға ел риза

Қоғам • Бүгін, 09:10

Су қауіпсіздігі өзара сенімге тәуелді

Мәселе • Бүгін, 09:08

Алғаш рет жүрек алмастырды

Медицина • Бүгін, 09:05

Халықаралық рейтингте мәртебеміз айқындалды

Экономика • Бүгін, 09:00

Жастарды жасқаған баспана

Пікір • Бүгін, 08:55

Құмарпаз болма әрнеге...

Қоғам • Бүгін, 08:50

Дархан Ахмед-Заки: Президент реформасы жоғары білімге тың серпін береді

Сұхбат • Бүгін, 08:45

Микология майталманы

Тұлға • Бүгін, 08:40

Дәрігерлерге алғыс айтамын

Қоғам • Бүгін, 08:38

Ізденіс өндірісті қуаттандырады

Инфографика • Бүгін, 08:35

Барлық жаңалықтар