Дәнеш Байболатов Жетісу телеарнасының директоры болып тағайындалды

Журналист, медиаменеджер Дәнеш Байболатов «Жетісу» телеарнасының директоры қызметіне тағайындалды.

Дәнеш Байболатов – отандық журналистика саласында ұзақ жылдық тәжірибесі бар маман. Әл-Фараби атындағы Қазақ ұлттық университеті журналистика факультетінің түлегі. 2002 жылы «Телевизиялық журналистика» мамандығы бойынша, кейін осы оқу орнында магистратураны бітірген.

Бұған дейін ол түрлі медиажобалар мен телеарналарда, баспасөз қызметі саласында жұмыс атқарды.

Еңбек жолын «Gala TV» продюсерлік орталығы «Хабар Жер», «Дела  армейские» бағдарламаларында журналист, редактор ретінде бастап, әр жылдары  «Прогресс-PR» агенттігінде PR-маман, «Азаттық» халықаралық радиосында репортер, «Жас Толқын» жастар  бағдарламасының авторы,  редакторы, жүргізушісі, Абай атындағы ҚазҰПУ-дың халықаралық  қатынастар факультетінде оқытушы болды.

Кейін «Хабар» арнасындағы «Серпін» экономикалық, ақпараттық-талдама бағдарламасының авторы,жүргізушісі,жауапты    редакторы,  «Ас-Арқау» бағдарламасының жауапты редакторы, «Ел арна» арнасы «Шіркін life» реалити-шоуының редакторы, «Астана» телеарнасы жаңалықтар тілшісі, «31 арна» «Айтылмаған әңгіме»  ток-шоуының  авторы, жауапты редакторы, «Sтаn production» жаңалықтар қызметінің жауапты редакторы, жаңалықтар қызметінің продюсері ретінде еңбек етті.

Әр жылдары «Панорама» продюсер орталығы  жаңалықтар бөлімінің продюсері, «Апорт» телекомпаниясы  телебағдарламалар редакторы, «Жас Алаш» газетінде тілші, Республикалық физика-математика мектебінің баспасөз хатшысы, «Новости Центральной Азии»  халықаралық жобасының  веб-редакторы, «Евразия Бірінші арнасы» «Заң сөйлесін» бағдарламасының  жетекшісі, жүргізушісі, Алматы көпсалалы клиникалық  ауруханасының (АМКБ) баспасөз хатшысы, ҚР ДСМ ҰФҒО баспасөз хатшысы,   «Алматы» телеарнасы «Шешімі  бар» бағдарламасының жүргізушісі болды.

2023 жылдан бері «Хабар» телеарнасы Ақпараттық-сараптамалық  бағдарламалар қызметінің басшысы, «Дәстүр» бағдарламасының  авторы, жүргізушісі, 2024 жылдан «Хабар» телеарнасы таңғы  бағдарламалар бөлімінің басшысы қызметін атқарып келді.