Донбастағы жағдайды халықаралық қауымдастыққа жеткізу керек Захарова

АСТАНА, 21 қаңтар – Sputnik. Ресей Сыртқы істер министрлігінің ресми өкілі Мария Захарова украин әскерилері Красноармейскіде бейбіт тұрғындарға қарсы геноцид жасады деп мәлімдеді.

Халықаралық қоғамдық трибуналдың "Красноармейск (Покровск) қаласындағы Киев режимінің қатыгездіктері мен әскери қылмыстары" атты баяндамасының таныстырылымы өтті.

"Баяндама бейбіт тұрғындарға қарсы террор хаостың немесе әскери әрекеттердің кейбір жанама әсерлерінің салдары емес екенін тағы да растайды. Бұл әдейі, құрылымдалған және ойластырылған геноцид саясаты. Бұл әдіснамалық тәжірибе деңгейіне көтерілген соғыс қылмысы", - деді ол.

Захарова баяндама материалдарының әлеуметтік және моральдық маңызы бар екенін, сонымен қатар дәлелдемелік негіз болып саналатынын атап өтті.

"Бұл фактілердің артында нақты орындаушылар, командирлер, идеологтар және қамқоршылар тұр. Ерте ме, кеш пе, олар жазаланады. Ал олардың әрекетіне тиісті құқықтық баға беріледі", - деді дипломат.

Оның айтуынша, ешкім жауапкершіліктен құтылып кетпейді.

"Олар Донбаста болып жатқан оқиғаларды қанша жерден басып тастауға, бұрмалауға немесе түзетуге тырысса да, шындықты халықаралық қауымдастыққа жеткізу керек. Батыста бұл қорқынышты заңсыздықты қолдағандарды қоса алғанда, ешкім жауапкершіліктен құтылмауы керек", - деп түйіндеді Ресей Сыртқы істер министрлігінің ресми өкілі.