“Дүрбелең болды“. Пойыздағы жантүшігерлік жайттың мән жайы айтылды

Алматыда оңтүстіккореялық фильм түсірілімі кезінде ондаған адамның улануына қатысты жаңа деректер пайда болды, - деп хабарлайды Tengrinews.kz тілшісі.

Алматыда оңтүстіккореялық фильм түсірілімі кезінде ондаған адамның улануына қатысты жаңа деректер пайда болды, - деп хабарлайды Tengrinews.kz тілшісі.

Редакцияның Telegram-ботына куәгер оқиға туралы айтып берді. Оның сөзінше, түсірілім кезінде адамдар, оның ішінде балалар да, пойыз вагонында есінен танып қалған.

Куәгер адамдарды фильм түсіретін компания кастингке шақырғанын айтты. Қатысушыларды, оның ішінде әйелдер мен балаларды түнде "қыстау жақтағы теміржолға" алып барған. Оның сөзінше, ол жерде ауа температурасы шамамен минус 20 градус болған.

"Әуелі біз жылы шатырларда күттік, түсірілім жылы пойызда өтеді деп уәде берген. Бірақ бәрі дайын болғанда, корейлік түсірілім тобы жылы вагонға өздері кірді, әйелдер мен балаларды, түгелдей мұздай вагонға кіргізді", — деді ол.

Ер адамның сөзінше, суық вагонда түсірілім шамамен үш сағатқа созылған. Қатысушылар жылы киінгеніне қарамастан, суықтан қатты тоңа бастаған. Арасында балалар да болған.

"Қасымда бір қыз отырды, ол қатты қалтырап отырды да, бір кезде есінен танып, үстіме құлап түсті. Мен ұйымдастырушылардан бізді жылынуға жіберуді сұрадым. Маған: "Болмайды, кейін таба алмай қаламыз, шыдаңдар", деді", - деді ол.

Түсірілімнен кейін, куәгердің айтуынша, топты басқа суық вагонға ауыстырған. Ал телефондарын алдын ала алып қойған. Адамдар жылынуды сұрап, талап ете бастағанда ұйымдастырушылар газ жылытқыш қойған.

"Оның айналасына бірден 50-ге жуық адам жиналды, балалар жақын отырды", - дейді оқырман.

Біраз уақыттан кейін, ер адамның айтуынша, балалар естен тана бастаған.

"Бір бала айқайлап, есінен танып қалды. Артынша бір қыз құлады, содан кейін тағы бір ұл бала. Балалар жаппай "құлап" жатты. Дүрбелең болды", - деді ол.

Оның айтуынша, түсірілім алаңында дәрігер болмаған: дәрігерлер оларды Алматы-2 вокзалында күткен.

Куәгер балалардың жаппай есінен тана бастағанынан кейін адамдарды түсірілім тобы отырған басқа вагонға эвакуациялағанын айтты.

Вокзалға келгенде, оның сөзінше, топты дәрігерлер мен полиция қарсы алған. Бірнеше әйел мен баланы ауыр жағдайда алып кеткен.

"Мен вагоннан шыққанда, өзім де теңселіп кеттім. Біреу мені бетіменен шапалақпен ұрып: "Ұйықтама! Оянбай қаласың!" - деп жатыр", - деді куәгер.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Следите за нашими новостями в Google News