ЕЭК жаңғақ пен тұқымның кейбір түрлеріне бажды үш жылға алып тастады

АСТАНА, 3 желтоқсан – Sputnik. Еуразиялық экономикалық комиссияның алқасы жаңғақтарға қатысты импорттық кеден бажының мөлшерін белгілеу туралы шешім қабылдады.

Оларға мыналар кіреді:

ши жаңғағы;

шорея жаңғағы;

сало жаңғағы;

гарциния индика тұқымы.

Сонымен қатар манго жемістерінің сүйектері мен дәндері кедендік құнының 0%-і деңгейінде 2028 жылдың 31 желтоқсанына дейін енгізіледі.

"Бұл шара экзотикалық шикізатты қайта өңдейтін кәсіпорындарды қолдауға бағытталған. Олар арнайы майлар, стеариндер, какао майының эквиваленттері мен алмастырғыштарын өндіреді, олар май-шикізат, кондитерлік және косметикалық өндірістерде қолданылады", – деп атап өтті ЕЭК-тің кедендік және тарифтік емес реттеу департаментінің директоры Ваагн Казарян.

Бұған дейін ЕЭК кілем өндірісінде қолданылатын латекске арналған нөлдік импорттық бажды 2027 жылдың 31 желтоқсанына дейін ұзартқан болатын.

"Бұл шара шикізатқа қолжетімділікті арттырады, сондай-ақ Еуразиялық экономикалық одақ елдерінің кілем және кілем бұйымдарын өндіретін кәсіпорындарының рентабельділігін жақсартады. Сол арқылы ішкі нарықта отандық өнім үлесін көбейтуге жағдай жасалады", – деді Ваагн Казарян.