Ел экономикасы өсім көрсетті

Президенттің сапалы дамуды қам­­­­­та­масыз ету және халықтың әл-ауқатын арт­тыру жөніндегі тап­сыр­маларын орындау шеңберінде ел эко­номикасы өсу қарқынын көр­­­­сетіп отыр.

Негізгі драйверлер өсімі 7,3%-дан 7,4%-ға дейін жеделдеген өнер­кә­сіп пен 6,1%-ға іл­герілеген ауыл шаруашылығы болды. Тұрақ­ты да­­муды нақты экономиканың бас­қа секторлары да көрсеткен. Атап айт­қан­да, кө­лік саласы 20,3%-ға, құ­ры­лыс 14,7%-ға өсті, ал сауда 8,8%-ға артты.

«Экономика сыртқы жағдай­лар­ға бейім­­деліп, тұрақты даму жо­лына түсті. Біз базалық салаларда же­делдеу барын көріп отыр­мыз, бұл әлеуметтік міндеттемелерді орын­­дау және ауқымды инфра­құры­лым­дық жо­баларды жүзеге асыру үшін бе­рік негіз қалайды», –  деді Пре­мьер-министрдің орын­басары – ұлт­тық экономика министрі Серік Жұманғарин.

Президенттің экономиканы әр­­тарап­тан­дыру және отандық өн­дірісті дамыту жө­­ніндегі тап­сыр­ма­сын жүзеге асыру ай­тар­­лықтай н­ә­­­тиже берді.

11 айдың қорытындысы бойын­ша өңдеу өнеркәсібі 5,9% жалпы өсім көрсетті. Кіші са­лаларға бөл­ген­де машина жасау секторы сөз­сіз көш­басшы болып отыр, онда өн­ді­ріс кө­лемі 11,6%-ға өсті. Басқа да не­­­­­­­­гізгі сек­тор­­ларда оң динамика бар: азық-түлік өн­дірісі 8,7%-ға, хи­­мия өнеркәсібі 8,1%-ға, ал мұ­най өңдеу 6,5%-ға өсті.

«Бұл салалардағы инвестиция­лар мен өн­дірістің өсуі ауқымды мем­­лекеттік қол­дау­мен тікелей бай­­­­ланысты. Тек «Бәйтерек» хол­дин­­гі тарапының өзінен осы кезең­де ба­сым бағыттарды қаржылан­ды­ру кө­лемі 8 трлн теңгеден асты», – деп атап өтті Серік Жұманғарин.

Мемлекет басшысының тап­сыр­масы бойын­ша Үкімет ішкі на­рықты сапалы өнімдермен тол­тыру бойынша жүйелі жұ­мыс­тарды жал­ғастыруда. Жылдың басты же­тіс­тігі екінші жыл қатарынан ре­корд­тық астық жиналғаны – ол ша­мамен 27 млн тон­на. Бұл туралы Үкі­мет отырысында Пре­мьер-ми­нистрдің орынбасары – ұлттық эко­­номика министрі Серік Жұман­ға­рин мәлім­деді.

Жалпы, 11 айда агроөнеркәсіп ке­шені 6,1% өсім көрсетті. Негізгі үлес егін шаруа­шы­лығында (+7,6%), ал мал шаруашылығы 3,5%-ға өсті. Сон­дай-ақ әлеуметтік маңызы бар сүт (+5%), ет (+3%) және жұмыртқа (+1,5%) сынды өнімдердің де өн­дірі­сі арт­ты. Өсу көшін Ақмола (15,7%), Қостанай (15,4%) және Сол­түстік Қазақстан (10,5%) об­­лыс­тары бастап тұр.

Айбике ЖАНАСЫЛ