Елде туризмнің әлеуеті артып келеді

Жарты жылда елге 4 млн турист келген. Былтырмен салыстарғанда 500 мың адамға артты. Бұл туралы Біріккен Ұлттар Ұйымының алғашқы өңірлік конференциясында айтылды.

Туризм және спорт министрлігінің мәліметінше, Қазақстан әлемдік туризмді дамыту деңгейі бойынша 57-орынға көтерілді. Жиынға халықаралық ұйымдар, мемлекеттік мекемелер және туризм саласының өкілдері қатысты. Сала мамандары отандық туризмдегі әйелдердің мүмкіндігін кеңейту, саяхат саласында жаңа бағыттарды игеру қажеттігін айтты. Орталық Азияда Алматының   туристік әлеуеті артқан. Мегаполиске бір жылда шамамен миллионнан астам қонақ келген. Бұл 2024 жылмен салыстырғанда 19 пайызға көп. Оған әлем жұлдыздарының  Алматыда концерт қойып, Реал Мадрид сияқты футбол клубының келуі әсер еткен.

Нұртас Кәріпбаев,  ҚР Туризм және спорт министрлігі Туризм индустриясы комитетінің төрағасы:

 – Сонымен қатар сырттан келген туристтердің де саны 7,5 млн адамға жетіп отыр. Соның ішінде 1 күннен астам елімізде түнеген турист ол 5 млн-нан астам. Бұл туристтердің барлығы елімізге, экономикасына өзінің оң нәтижесін беретініне біз сенімдіміз. Себебі әрбір келген турист бізге инвистиция ретінде біз оны көреміз.