Елдегі алғашқы агротехнопарк ауыл шаруашылығына қандай пайда әкеледі?

Ауыл шаруашылығы министрі Айдарбек Сапаровқа С. Сейфуллин атындағы Қазақ агротехникалық университетінде өткен селекция және тұқым шаруашылығын дамыту мәселелері бойынша республикалық кеңес аясында еліміздегі бірінші агротехнопарк таныстырылды, деп жазады Egemen.kz.

Агротехнопарк құру университеттің аграрлық ғылымды дамыту, практикалық бағыттағы білім беруді жетілдіру және экономиканың нақты секторымен біріктіру саласындағы жүйелі жұмысының заңды жалғасы.

Агротехнопарктің бизнес-инкубация, инновациялық компанияларды қолдау және агроөнеркәсіптік кешен (АӨК) саласындағы жоғары технологиялық жобаларды дамыту үшін заманауи орта құруды көздейді. Орталық агротехнологияларды сынақтан өткізуге және көрсетуге, жобаларды ғылыми-зерттеу кезеңінен нарыққа дейін сүйемелдеуге, бизнес үшін технологиялық тәуекелдерді азайтуға және инновацияларды лабораториядан өндіріске тезірек жеткізуге арналған. Агротехнопарк халықаралық ғылыми-технологиялық ынтымақтастықты дамыту бағытына да назар аударады.

Айдарбек Сапаров орталықтың инфрақұрылымы, лабораториялық базасы және өндірістік-инженерлік мүмкіндіктерімен танысты. Агротехнопарктің жалпы ауданы шамамен 1000 шаршы метрді құрайды. Оның құрылымында тәжірибелік және пилоттық жұмыстарға арналған металл өңдеу цехы бар өндірістік-инженерлік блок, резиденттерге арналған кеңсе кеңістігі, сондай-ақ толық циклді лабораториялық кешен қарастырылған.

Оралдық ғалымдар жаңа агрожоба ұсынды

Сондай-ақ құрамына ауыл шаруашылығы дақылдарын молекулалық-генетикалық зерттеу, агробиотехнология және микробиология зертханалары, физика-химиялық талдау, сынама дайындау және аналитикалық зерттеуге арналған Қазақстан-Аустралия инновациялық орталығы кіреді.

Айдарбек Сапаров агротехнопарк құру ісі аграрлық ғылымды жаңғырту және ғылыми зерттеулерді тиімді нарыққа шығару жүйесін құрудағы маңызды қадам екенін атап өтті.

«Бүгінгі таңда ғылыми шешімдердің лаборатория қабырғасында қалмай, ауыл шаруашылығы өндірушісіне жетуі және нақты экономикалық нәтиже беруі өте маңызды. Агротехнопарк ғалымдар мен агробизнес өкілдерін байланыстыратын көпір болуға тиіс», деді министр.

Агросаладағы ауқымды жобалар

Университет ректоры Қанат Тіреуов өз сөзінде агротехнопарк АӨК саласында технологиялық кәсіпкерліктің жаңа мәдениетін қалыптастыру, жаңа буын мамандарын дайындау және ғылыми зерттеулерге инвестиция тарту үшін жағдай жасайтынын атап өтті.

«Орталық жас ғалымдар, стартап-командалар және бәсекеге қабілетті отандық технологияларды жасау мен енгізуге қызығушылық танытқан индустриалды серіктестер үшін ынтымақтастың алаңына айналады», деді ректор.

Агротехнопарктің қызметі ауыл шаруашылығы дақылдарының жаңа сорттары мен будандарын, заманауи биопрепараттар мен инженерлік шешімдерді нарыққа жылдам шығару, агроөндірістің өнімділігі мен тұрақтылығын арттыру, сондай-ақ отандық АӨК экспорттық әлеуетін нығайту үшін маңызды рөл атқармақ.

Сондай-ақ университет базасында «Аграрлық ғылым жетістіктерін өндіріске енгізу – агроөнеркәсіп кешенінің тұрақты дамуының кепілі» атты республикалық семинар-кеңес өтті.

Агроөнеркәсіп кешенін дамыту: Шаруаларға жылдық 5%-бен жеңілдетілген несие беріледі

Іс-шараға «Ұлттық аграрлық ғылыми-білім беру орталығы» акционерлік қоғамы, оның еншілес ұйымдары, ғылыми қауымдастық өкілдері және облыс әкімдерінің орынбасарлары қатысты.

Жиында Ауыл шаруашылығы министрі Айдарбек Сапаров селекция мен тұқым шаруашылығын дамыту елдің азық-түлік қауіпсіздігін қамтамасыз етудегі негізгі тетік екенін атап өтті.

Соңғы жаңалықтар

Елдегі алғашқы агротехнопарк ауыл шаруашылығына қандай пайда әкеледі?

Экономика • Бүгін, 15:48

Қонаев қаласында жаңа Конституция жобасы мен негізгі институционалдық өзгерістер талқыланды

Ата заң • Бүгін, 15:45

Түлкіден тараған ауру: Зайсанда ірі қара мал арасында құтыру ауруы тіркелді

Оқиға • Бүгін, 15:42

Референдумға қатысты заңсыз сауалнама жүргізген ақпараттық агенттікке айыппұл салынды

Қоғам • Бүгін, 15:40

Таразда оқушы қызды ұрламақ болған ағайындылар қамауға алынды

Оқиға • Бүгін, 15:30

Қазақстан − Үндістан арасындағы тауар айналымы 923,3 млн долларға жетті

Үкімет • Бүгін, 15:20

Таразда 13 жастағы қызды құтқарған азамат марапатталды

Төтенше жағдай • Бүгін, 15:10

PhD көбейді, бірақ ғылым алға жылжып жатқан жоқ: Себеп неде?

Қазақстан • Бүгін, 15:05

Түркістанға көктем ерте келді: Нәурізек құсы оралып, бәйшешек гүлдеді

Аймақтар • Бүгін, 14:52

12,6 млрд теңге: Атырауда жұмыссыз азаматтарға берілетін ақша көлемі белгілі болды

Қоғам • Бүгін, 14:47

Алматы облысында жер сілкінісі сезілді

Төтенше жағдай • Бүгін, 14:45

Түркістан облысының тұрғыны бүйрегін 13 млн теңгеге сатпақ болған

Оқиға • Бүгін, 14:31

Оңтүстік Кореяның экс-президенті өмір бойына бас бостандығынан айырылды

Оқиға • Бүгін, 14:15

Отандық туризмге салынған инвестициялар көлемі 1,2 трлн теңгеден асты

Туризм • Бүгін, 14:00

Атырауда алимент төлемегендердің берешегі 3 млрд теңгеден асқан

Оқиға • Бүгін, 13:40

Барлық жаңалықтар