Елена Рыбакина Қытайдағы жеңісінен кейін әлемдік рейтингте жоғарылады

Әйелдер теннис қауымдастығы (WTA) жекелей және жұптық разрядтағы жаңартылған рейтингті жариялады, деп хабарлайды Vesti.kz.

Жекелей разряд

Қазақстанның бірінші ракеткасы Елена Рыбакина Қытайдың Нинбо қаласында өткен WTA 500 санатындағы турнирде жеңіске жетіп, әлемдік рейтингте екі сатыға көтерілді. Енді ол жетінші орынды иеленіп отыр.

Юлия Путинцева жеті саты төмендеп, 76-орынға, ал Зарина Дияс 35 позицияға түсіп, 296-орынға орналасты.
Жібек Құламбаева керісінше, екі саты көтеріліп, 336-орында тұр.

Әлемдік рейтингтің алғашқы үштігі өзгеріссіз қалды:
1️⃣ Арина Соболенко (Беларусь)
2️⃣ Ига Швёнтек (Польша)
3️⃣ Кори Гауфф (АҚШ)

Жұптық разряд

Қазақстандық үздік жұптық теннисші Анна Данилина өз орнын сақтап, 13-сатыда қалды.

Жұптық рейтингтің көшбасшылары да өзгерген жоқ:
1️⃣ Катерина Синякова (Чехия)
2️⃣ Тейлор Таунсенд (АҚШ)
3️⃣ Эрин Рутлифф (Жаңа Зеландия)

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport