Елімізде 163 ші Ауыл құтқарушылары ерікті өрт сөндіру пункті ашылды

Төтенше жағдайлар министрлігі мәліметінше, аталған пункт еліміздің шалғайдағы елді мекендерінде өрт қауіпсіздігін жақсартуға бағытталған «Ауыл құтқарушылары» ведомстволық бағдарламасы аясында ашылды.

– Біз жергілікті атқарушы органдармен бірлесіп, облысымыздағы өртке қарсы қорғау жүйесін одан әрі нығайтуды жалғастырамыз. Бұл төтенше жағдайларға ден қоюдың қауіпсіздігі мен жеделдігін арттыруға мүмкіндік береді, - деп атап өтті ашылу рәсімі барысында СҚО ТЖД бастығының орынбасары Дмитрий Растихин.

Пункт Ақбұлақ ауылдық округінің базасында құрылып, толыққанды жұмыс істеу үшін барлық қажеттілікпен қамтамасыз етілген. Еріктілердің иелігінде жылы гараж, автономды су жүйесі, тұрмыстық үй-жайлар бар.

Пунктте өрт сөндіру автоцистернасы, сондай-ақ өртті сөндіруге арналған құрал-жабдықтар орналастырылған.

ТЖ департаменті жеке құрамға жауынгерлік киім, нысанды киім-кешек және байланыс құралдарын табыс етті.

Айта кетейік, ТЖМ инновациялық өрт сөндіруші роботты таныстырған болатын.

Алматыда таулы аймақтарға қызмет көрсететін жаңа өрт сөндіру бөлімі ашылды.