Елордада балаларға қол көтерген мұғалімнің басы дауға ілікті

КТК мәліметінше, аталған гимназияда педагог шамамен бір жыл жұмыс істеген. Мектеп әкімшілігі оның тәрбиелеу тәсілдері туралы хабардар болғаннан кейін, дереу жұмыстан шығарған. Бұдан бөлек, оқиға полицияның назарына да ілікті.

Бүгінде тергеушілер оқушылардың бірі түсіріп алған бейнежазбаны зерттеп жатыр. Кадрлардан мұғалімнің бірнеше жасөспірімге жақындап, балағат сөздер айтып, оларды итеріп, шапалақпен ұрғаны көрінеді.

Мектеп әкімшілігі жағдайға қатысты пікір білдірді.

"31 наурыз күні төртінші сабақта технология пәнінің мұғалімі педагогикалық әдепті бұзып, күш қолданған. Осыған байланысты, Еңбек кодексіне сәйкес, педагог жұмыстан шығарылды. Қазіргі таңда бұл факт бойынша тексеру жүргізілуде. Қысқаша айтқанда, осы" Фариза Оңғарсынова атындағы №77 мектеп-гимназиясының директоры Нұрлан Ысқақов

Бұған дейін Ақтөбе облысында бопсалаушылар тобы ұсталғанын жазғанбыз.