Елордада бастауыш сынып мұғалімдерінің республикалық жазғы сессиясы басталды

Сессияға еліміздің барлық 20 өңірінен 200-ден астам қатысушы - білім басқармаларының жауапты мамандары, әдістемелік орталықтардың өкілдері, мектеп директорларының оқу ісі жөніндегі орынбасарлары және бастауыш сынып педагогтері қатысуда.

Семинардың ашылуында Жұлдыз Сүлейменова жаңа оқу жылындағы бастауыш білім берудің негізгі міндеттері мен басым бағыттарына тоқталып, енгізілетін өзгерістерді барлық өңірде сапалы әрі бірізді іске асырудың маңызын атап өтті.

Бірінші сыныпқа қабылдау: ата-аналар нені білуі керек?

Жазғы сессия жаңа оқу жылы қарсаңында бастауыш білім беру жүйесіндегі негізгі өзгерістерді талқылауға, оларды тәжірибеге енгізудің ортақ тәсілдерін қалыптастыруға және педагогтерге әдістемелік қолдау көрсетуге бағытталған.

Пленарлық отырыс пен тақырыптық воркшоптар аясында Жаңа Конституция құндылықтарын, «Адал азамат» біртұтас тәрбие бағдарламасын, «Таза Қазақстан» тұжырымдамасын, «Заң мен Тәртіп» қағидатын, жаңартылған оқу бағдарламаларын, бағалаудың жаңа тәсілдерін және жасанды интеллект құралдарын бастауыш білім беру жүйесіне енгізу мәселелері талқылануда.

Бірінші сыныпқа құжат қабылдау қашанға дейін жалғасады?

Сессия қорытындысы бойынша қатысушылар өз өңірлерінде жаңа оқу жылындағы өзгерістерді сапалы іске асыруға қажетті тәжірибе мен әдістемелік ұсынымдарды жетілдіріп, тиімді тәжірибелерді тарату жұмыстарын жалғастырады.