Енді сабақ үстінде телефон қолданған оқушылардың ата анасы жазаланады

Қазақстанда сабақ үстінде баласының телефон қолдануына жол берген ата-аналарға айыппұл салынады, деп хабарлайды Arasha.kz.

"Білім туралы" заңға сәйкес, оқу процесі кезінде оқушыларға ұялы телефон пайдалануға тыйым салынады. Егер бала бұл ережені бұзса, жауапкершілік тікелей ата-анасына жүктеледі.

Оқу-ағарту вице-министрі Майра Мелдебекованың айтуынша, алғашқы рет ереже бұзған ата-аналарға ескерту жасалады.

Алайда ереже қайталанса, ата-аналарға 5 айлық есептік көрсеткіш мөлшерінде – шамамен 19 660 теңге айыппұл салынады.