Еуропалық Одақ Ресей газынан толықтай бас тартатын болды

Еуропалық кеңес пен Еуропарламенттің шешімі бойынша ресейлік құбыр газының жеткізілімі 2027 жылғы 30 қыркүйектен кешіктірілмей тоқтатылуы тиіс. Кейбір жағдайларда мерзім 2027 жылдың 1 қарашасына дейін ұзартылуы мүмкін, деп жазады Egemen.kz.

Фото: pixabay

Бас тарту жоспары бекітілді

Бұрын жасалған ұзақмерзімді келісімшарттар үшін өткел кезеңі қарастырылған.

2025 жылдың 17 маусымына дейін қол қойылған қысқа мерзімді келісімшарттар бойынша тыйым ертерек күшіне енеді.

- Сұйытылған табиғи газ (СПГ) бойынша 2026 жылғы 25 сәуірден;
- құбыр газы бойынша 2026 жылғы 17 маусымнан бастап.

Еурокомиссияның мәлімдемесі

«Еуропалық Одақ (ЕО) елдері сенімді серіктестерден энергия алуға және жаңартылатын көздерден электр өндіруге көшуде. Біз ресейлік газдан толық бас тартамыз», деп мәлімдеді Еурокомиссияның төрағасы Урсула фон дер Ляйен.

NRG_monitor мәліметінше, жаңартылатын энергия көздері (ЖЭК) – жақсы, бірақ Еуропада ресейлік құбыр газының орнына америкалық СПГ қолданылғаннан кейін электр энергиясы бағасының қымбаттағаны байқалды.

Сонымен қатар, ЕО Түркиядан газ сатып алуды жалғастыра береді.
Ал Түркия газды Ресейден «Көгілдір ағын» және «Түрік ағыны» арқылы алады.