Еуропалықтар бензин бағасының өсуіне байланысты жаппай электрлі көліктерге ауысып жатыр

Еуропадағы бензин мен дизель отынының бағасы литріне екі еуродан асып, электр көліктері нарығында нағыз қарбалас тудырды.

Француз және голландиялық автомобиль платформаларының мәліметі бойынша, әсіресе пайдаланылған көліктер нарығында электр көліктерінің сатылымы күрт өсті.

Францияның ең ірі пайдаланылған көліктер нарығы Aramisauto мәліметтері бойынша, сатылымдағы электр көліктерінің үлесі бірнеше апта ішінде екі есеге жуық өсті, 6,5%-дан 12,7%-ға дейін. Мұндай көрініс басқа еуропалық платформаларда да байқалады.

Норвегияда электр көліктері пайдаланылған нарықтағы танымалдылығы бойынша дизельді модельдерді басып озды. Еуропалық автомобиль өндірушілері қауымдастығының (ACEA) соңғы мәліметі бойынша, 2026 жылдың алғашқы екі айында ЕО-да жаңа тіркелген аккумуляторлы электр көліктерінің үлесі шамамен 19%-ға жетті.

Францияда электр көліктерінің сатылымы 69%-ға, ал Германияда 26%-дан асты. Сарапшылар отын бағасының жоғарылауы бұрын ұзақ мерзімді үрдіс болып көрінген өтпелі кезеңді күрт жеделдеткенін атап өтті.

Пайдаланылған электр көліктеріне ерекше сұраныс бар - олар жаңаларына қарағанда айтарлықтай арзан, ал отын үнемдеу қазіргі энергетикалық дағдарыста шешуші факторға айналды.

- Көптеген еуропалық электромобильді бес-он жылдан кейін қарастыруға болатын болашақтың көлігі деген ойға үйреніп кеткен. Алайда қазіргі энергетикалық дағдарыс бұл жоспарды күрт өзгертті. Енді ондай көлікті көп күттірмей келесі айда сатып алу керек, - деп атап өтті салалық сарапшы Euractiv басылымына берген сұхбатында.

Отын бағасының күрт өсуіне Иранға қатысты шиеленістің күшеюі және әлемдік мұнай өндірісінің негізгі артериясы саналатын Ормуз бұғазындағы кеме қатынасы проблемалары себеп болды. Еуропалық билік азаматтарды көлікпен жүруді азайтуға, баяу жүруге және энергияны үнемдеуге шақырып әлек.

Германияда күнделікті бағаның ауытқуын шектейтін «отын тежегіші» күшіне енді. Бензин мен дизель бағасының өсуі еуроаймақтағы инфляцияға әсер етті.

Осылайша, Таяу Шығыстағы геосаяси тұрақсыздықтан туындаған энергетикалық дағдарыс Еуропаның жасыл аймаққа көшуін жеделдетіп, электромобильдерді тек экологиялық таңдау ғана емес, сонымен қатар миллиондаған жүргізушілер үшін экономикалық қажеттілікке айналдырды.

Бұған дейін 2025 жылы электромобильдерге деген әлемдік сұраныс рекордтық деңгейге жететіні хабарланған болатын. 2025 жылы электромобильдер сатылымы 2024 жылдың сәйкес кезеңімен салыстырғанда 20%-ға артып, рекордтық 20,7 миллион данаға жетеді деп болжанды.

Қытай мен неміс электрлі көліктері Tesla-ны Еуропа нарығынан ығыстырып жатыр.