Германияда жанармай бағасының өсуіне байланысты автобандарда жылдамдықты шектеуі ұсынылды

— Уақытша жылдамдық шектеуі отын тұтынуды бірден төмендетеді, осылайша бағаның өсуін тежейді және жұмысқа көлікке тәуелді барлық адамдарға бюрократиясыз, өзара қолдау принципі бойынша көмек көрсетеді, — деді Банашак Der Spiegel журналымен сұхбатында.

Оның сөзінше, қазіргі жағдайда «адамдарды және кәсіпорындарды қорғау үшін негізгі шараларды қабылдау қажет».

Банашак Германия канцлері Фридрих Мерц пен оның үкіметін бұл мәселені «тым абайлап» шешіп отырғаны үшін сынға алды.

– Олар азаматтардан қорқады, бірақ азаматтар бірнеше рет дағдарыс кезінде саналы әрекет жасауға дайын екенін дәлелдеді. Егер олар мәнін көрсе және үкімет өз міндетін дұрыс әрі прагматикалық орындаса, — деді «Жасылдардың» лидері.

Басқа ұсыныстар қатарында қоғамдық көліктің 9 еуроға арналған уақытша жолақысын қайта енгізу, сондай-ақ мұнай компанияларының артық пайдасына салық салу бар. Саясаткердің пікірінше, бұл халыққа, соның ішінде электр энергиясына жұмсалатын шығындарды азайту арқылы қолдау көрсетуге мүмкіндік береді.

Германияда жанармай бағасының өсуі Батыс Азиядағы қақтығыстарға байланысты болып отыр. 2 сәуірдегі деректер бойынша дизельдің орташа бағасы литріне 2,3 еуроға, Super E10 бензині — литріне 2,13 еуроға жетіп, биылғы жылдың ең жоғары көрсеткішіне шықты.

Еске сала кетейік, бұған дейін Түркияда жанармай бағасы күрт өскенін жаздық.