Фельдшер Ұлдана Мырзауанның өліміне қатысты іс сотқа жетті адвокат мәлімдеме жасады

Бүгін Астанада фельдшер Ұлдана Мырзуанның қазасына қатысты сот ісі басталады. Отырыс алдында марқұмның анасының адвокаты журналистердің сұрақтарына жауап берді, деп хабарлайды Tengrinews.kz тілшісі.

Адвокат Нұрсұлтан Орынбековтің айтуынша, бұл іс Қылмыстық кодекстің 254-бабы ("Міндеттерге адал қарамау") бойынша қаралып жатыр және заңда МИҚ төрағасының жауапкершілігі тікелей қарастырылған.

"МИҚ төрағасы әкімдікке ақауларды жою бойынша ескертулер мен ұсыныстар беруі тиіс еді. Бірақ мұндай әрекеттер жасалмаған. Біз барлық мәліметті жариялай алмаймыз, алайда сот барысында бәрі белгілі болады", - деді ол.

Сонымен қатар ол жәбірленуші тараптың тергеу амалдарына көңілі толатынын атап өтті. Фельдшердің анасынан бөлек, сол қайғылы күні зардап шеккен оның жұбайы мен басқа да тұлғалар іс бойынша жәбірленуші деп танылған.

Google News арқылы жаңалықтарымызды қадағалаңыз