Финляндия Украина тарапынан жасалған арандатудан кейін үндеу жасады

АСТАНА, 4 сәуір – Sputnik. Финляндия билігі Владимир Зеленскийден Ресейге соққы жасау үшін ел аумағы арқылы дрон ұшыруды тоқтатуды талап етуі тиіс. Бұл туралы финнің "Бостандық альянсы" партиясының мүшесі Армандо Мема айтты, деп хабарлайды РИА Новости.

Оның айтуынша, билік бұл оқиғаға жеткілікті деңгейде мән бермеген.

"Алайда бұл — айқын саяси мәселе, Финляндияның қазіргі басшылығы Зеленскийге мұндай шабуылдарды фин аумағы арқылы тоқтатуды айтуы керек", — деп жазды ол X әлеуметтік желісінде.

Саясаткер болашақта Ресей әуе шабуылына қарсы қорғаныс құралдарын пайдаланып, дрондарды Финляндия аумағында атып түсіруі мүмкін екенін айтып, мұны аса қауіпті жағдай деп атады.

29 наурыз күні Финляндия аумағында екі украиналық ұшқышсыз ұшу аппараты анықталған. Премьер-министр Петтери Орпо мұны аумақтық тұтастықтың бұзылуы деп бағалады. 31 наурыз күні Париккаладағы Ресеймен шекаралас Пюхяярви көлінің мұзынан тағы бір украиналық дрон табылған. Сәрсенбі күні Yle тағы бір ұшқышсыз аппарат туралы хабарлад