Соғыс 2 аптада аяқталады: Трамп Украина президентіне үндеу жасады

АҚШ-тың президенті Дональд Трамп Украинадағы соғысты жақын арада тоқтатуға нақты мүмкіндік бар екенін мәлімдеді, деп хабарлайды Arasha.kz.

Вашингтонда Украина президенті Владимир Зеленскиймен кездескен Трамп соғыстың Қытай Халық Республикасының төрағасы Си Цзиньпинмен өтетін кездесуге дейін аяқталуы мүмкін екенін айтты. АҚШ президенті бұл кездесуді Азия-Тынық мұхиты экономикалық ынтымақтастық саммиті аясында 31 қазан – 1 қараша күндері Оңтүстік Кореяда өткізуді жоспарлап отыр.

"Үш президентті бір үстелге жинау керек. Дипломатиялық тұрғыда жұмыс істеп, бұл кездесудің сәтті өтуіне жағдай жасаймыз. Бұл мен аяқтайтын тоғызыншы соғыс болмақ. Украина мен Ресей халықтарының татуласуына үлес қосу – мен үшін үлкен абырой", – деді Дональд Трамп.